ធនាគារធំមួយនៅកម្ពុជារកចំណូលបាន ៧១,៨លានដុល្លារក្នុងរយៈមួយឆ្នាំ

June 11, 2019

ដោយ ម៉ាណេត

ភ្នំពេញៈ ធនាគារ ABA (ធនាគារ វឌ្ឍនៈ អាស៊ី ចំកាត់ ) ទទួលបានចំណូលប្រមាណ ៧១,៨លានដុល្លារអាមេរិកឆ្នាំ ២០១៨ ដោយសម្រេចកំណើនបាន៥៥ភាគរយ បើធៀបនឹងឆ្នាំ ២០១៨។ នេះបើយោងតាមរបាការណ៍ប្រចាំឆ្នាំ២០១៨ ដែលបានចេញផ្សាយកាលពីម្សិលមិញនេះ។

ចុចទីនេះដើម្បី Subscribe Telegram Channel «Property Area Asia» សម្រាប់ទទួលបានព័ត៌មានថ្មីៗ

របាការណ៍បង្ហាញឲ្យឃើញពីសមត្ថភាពរបស់យើង ក្នុងការអនុវត្តយុទ្ធសាស្ត្រអភិវឌ្ឍរយៈពេលវែង ដើម្បីផ្ដល់នូវដំណោះស្រាយ សេវាធនាគារប្រកបដោយនវានុវត្តដល់អតិថជន។ របាការណ៍បន្តថា “លទ្ធផលហិរញ្ញវត្ថុរបស់យើង បានបញ្ជាក់យ៉ាងច្បាស់អំពីកំណើន ដ៏ល្អប្រសើររបស់ធនាគារ។ យើងអាចពង្រឹ ងតារាងតុល្យការ និ ងបង្កើនប្រ សទ្ធភាពក្នុងកិច្ចប្រតបត្តិការរបស់យើង”។

យោងតាមរបាការណ៍ឲ្យដឹងថា ទ្រព្យសកម្មសរបរបស់ធនាគារ បានកើន៦៥ភាគរយធៀបទៅនឹងដំណាច់ឆ្នាំ២០១៧ ហើយទ្រព្យសកម្មរបស់ធនាគារនេះឈានដល់២,៧ ពាន់លានដុល្លារអាមេរិក។ សម្រាប់ផលបត្របញ្ញើរ សម្រេចឈានដល់២,២ពាន់លាន ដុល្លារអាមេរិក ធៀបទៅនឹងឆ្នាំមុនមានត្រឹម១,៣ ពាន់លានដុល្លារអាមេរិក។ ; ផលបត្រឥណទានសម្រេចឈានដល់១,៨ពាន់លានដុល្លារអាមេរិក ដែលមានអត្រាកំណើនប្រចាំ ឆ្នាំ៤៩ភាគរយ។

លោក Askhat Azhikhanov នាយកប្រតិបត្តិធនាគារ ABA បានថ្លែងក្នុងរបាយការណ៍ប្រចាំឆ្នាំនេះថា គិតត្រឹមដំណាច់ឆ្នាំធនាគារនេះ បានបម្រើអតិថិជនបានចំនួន ៤២៦,០០០ ជាមួយបុគ្គលិកចំនួន៤,២១៣ នាក់ ហើយស្ថិតនៅក្នុងចំណាត់ថ្នាក់លេខ ១ ក្នុងនាមជាធនាគារ ដែលទទួលបានផលចំណេញពីការវិនិយោគ (២៨ ភាគរយ) ធ្វើឲ្យយើងក្លាយជាធនាគារ ដែលអនុវត្តការងារបានប្រសិទ្ធភាពខ្ពស់បំផុតនៅក្នុងប្រទេស។

លោកបានបន្តថា “យើងនឹងបន្តបើកសាខាជាច្រើនទៀត ដើម្បីបង្កើនមូលដ្ឋាន អតិថិជនរបស់យើង ; និងបម្រើសេវាជូនដល់អតិថិជនកាន់តែច្រើនថែមទៀត”។លោកបន្ថែមថា“យើងមានផែនការបោះទីតាំងក្នុងខេត្តថ្មីៗចំនួនពីរទៀត ព្រមទាំងពង្រឹងតំណែងរបស់យើង នៅតាមតំបន់ដែលយើងមានប្រតិបត្តិ ការប្រកបដោយភាពជោគជ័យរួចហើយ”។

កាលពីថ្ងៃទី៣១ ខែឧសភា ធនាគារ ABA (ធនាគារ វឌ្ឍនៈ អាស៊ី ចំកាត់ ) បានប្រកាសជាធារណៈថា ខ្លួននឹងបោះផ្សាយសញ្ញាបណ្ណសាជីវកម្ម ឬមូលបត្របំណុលដែលមានតម្លៃ២៥លានដុល្លារដាក់លក់នៅលើទីផ្សារមូលបត្រកម្ពុជា។

សញ្ញាបណ្ណនេះមានរយៈពេល៣ឆ្នាំ និងអត្រាការប្រាក់ពី៧ភាគរយ ទៅ៧,៧៥ ភាគរយក្នុងមួយឆ្នាំ។ ធនាគារ ABA នឹងដាក់ជូនឯកសារផ្តល់ព័ត៌មាន ដើម្បីស្នើសុំការអនុម័តយល់ព្រម ក្នុងការបោះផ្សាយនេះ ពីគណៈកម្មការមូលបត្រកម្ពុជា (SECC) សម្រាប់នីតិវិធីបន្តទៀត។ យើងរំពឹងថាសញ្ញាបណ្ណនេះ នឹងត្រូវចុះបញ្ជីលក់ នៅលើផ្សារមូលបត្រកម្ពុជា (CSX)។

ទឹកប្រាក់បានពីការបោះផ្សាយលក់សញ្ញាបណ្ណ នឹងត្រូវយកមកប្រើសម្រាប់ការចំណាយលើប្រតិបត្តិការ ក៏ដូចជាការបង្កើនចំនួនប្រាក់កម្ចីសម្រាប់អាជីវកម្ម ដែលនឹងគាំទ្រដល់អាជីវកម្មខ្នាតតូចបំផុត សហគ្រាសធុនតូចនិងមធ្យម ដែលរួមមានសហគ្រិនស្ត្រីនៅកម្ពុជាផងដែរ។

ក្រុមហ៊ុនអេសប៊ីអាយ រ៉ូយ៉ាល់ ស៊ីឃ្យួរឹធី (SBI Royal Securities) គឺជាទីប្រឹក្សាហិរញ្ញវត្ថុ និងក្រុមហ៊ុនធានាទិញមូលបត្រតែមួយគត់សម្រាប់ការបោះផ្សាយនេះ៕