ដោយ៖ ដួង ចន្ទ្រា
ភ្នំពេញ៖ ក្នុងគោលដៅធ្វើពិពិធកម្មទីផ្សាររបស់ខ្លួន ក្រុមហ៊ុន G Gear ដែលនាំចូលផ្តាច់មុខនូវផលិតផល LG បានពង្រីកសាខាទៅកាន់តំបន់ស្ទឹងមានជ័យ រាជធានីភ្នំពេញ។
អគ្គនាយកក្រុមហ៊ុន G Gear លោកឧកញ៉ាសុខ ពិសិដ្ឋបានថ្លែងឲ្យដឹងតាមទូរស័ព្ទនារសៀលថ្ងៃទី២១ ធ្នូនេះថា ក្រុមហ៊ុនបានពង្រីកសាខា ទៅកាន់តំបន់ស្ទឹងមានជ័យកាលពីពេលថ្មីៗនេះ ដើម្បីពង្រីកទីផ្សារចែកចាយរបស់យើងទៅកាន់តំបន់ដទៃទៀត ងាយស្រួលផ្តល់ជម្រើសដល់អតិថិជន។លោកបន្តថា បច្ចប្បន្ន ក្រុមហ៊ុន G Gear ដែលនាំចូលផលិតផល LG ផ្តាច់មុខបានពង្រីកសាខាចំនូន៧ ក្នុងនោះបីនៅរាជធានីភ្នំពេញ និងបួននៅតាមបណ្តាខេត្តដែលមានសក្តានុពលសេដ្ឋកិច្ចសំខាន់។
ខេត្តទាំងនោះរូមមាន ខេត្តបាត់ដំបង កំពង់ចាម សៀមរាប និងខេត្តបាត់ដំបង។
លោកឧកញ៉ាសុខ ពិសិដ្ឋបានបន្តថា បច្ចុប្បន្នស្ថានភាពនៃការលក់ផលិតផលប្រើប្រាស់នៅតាមលំនៅដ្ឋានដូចជា ទូរទស្សន៍ ទូទឹកកក ម៉ាស៊ីនត្រជាក់ ម៉ាស៊ីនគក់សម្លៀកបំពាក់មិនសូវមានសញ្ញាល្អប្រសើរនោះទេ ប៉ុន្តែស្ថានភាពនេះក៏មិនធ្លាក់ចុះនោះដែរ ធៀបរយៈពេលដូចគ្នាកាលពីឆ្នាំមុន៕
