ដោយ ៖ រ៉ាណេត
ភ្នំពេញ ៖ ព្រមគ្នាជាមួយនឹងការសុំលាលែងតំណែងរបស់លោក យន្ត មីន និងតែងតាំងលោក គួច ចំរើន ជាអភិបាលខេត្តព្រះសីហនុ សម្ដេចតេជោ ហ៊ុន សែន ក៏បានសម្រេចដកតំណែងលោក ញឹម វណ្ណដា ហើយជំនួសដោយលោក គន់ គីម វិញ ។
នៅរសៀលថ្ងៃទី២៤ ខែមិថុនា ឆ្នាំ២០១៩នេះ ស្របពេលដែលសម្តេច តេជោ ហ៊ុន សែន បានសម្រេចដកតំណែងលោក យន្ត មីន តាមការស្នើសុំ និងបានជំនួសដោយលោក គួច ចំរើន ក្នុងនាមជាអភិបាលខេត្តព្រះសីហនុនោះ សម្ដេចក៏បានសម្រេចតែងតាំងលោក គន់ គីម ជាទេសរដ្ឋមន្ត្រីទទួលបន្ទុកបេសកកម្មពិសេស ជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ បន្ថែមលើមុខងារបច្ចុប្បន្ន ជំនួសលោក ញឹម វណ្ណដា ។
