ដោយ វុត្ថា
ភ្នំពេញៈ ក្រសួងប្រៃសណីយ៍ និងទូរគមន៍កម្ពុជា បានចុះហត្ថលេខាលើអនុស្សរណៈយោគយល់គ្នារបស់ដៃគូវិនិយោគ ឯកជន និងសាធារណៈរវាងទូរគមនាគមន៍កម្ពុជា ជាមួយក្រុមហ៊ុន Viettel របស់វៀតណាម ដើម្បីសហប្រតិបត្តិការលើការអភិវឌ្ឍវិស័យទូរគមនាគមន៍។
លោកត្រាំ អ៊ីវតឹក រដ្ឋមន្ត្រីក្រសួងប្រៃសនីយ៍ និងទូរគមនាគមន៍មានប្រសាសន៍ឲ្យដឹងនាព្រឹកថ្ងៃទី៤ កក្កដានេះថា ពិធីចុះហត្ថលេខានៅថ្ងៃនេះបានបញ្ជាក់អំពីការបោះជំហ៊ានមួយទៅមុខទៀតរបស់ក្រសួង ក្នុងការជំរុញអនុវត្តកម្មវិធីនយោបាយយុទ្ធសាស្ត្រចតុកោណរបស់រាជរដ្ឋាភិបាលអាណត្តិទី៦ ក្នុងការលើកកម្ពស់ និងអភិវឌ្ឍន៍វិស័យទូរគមនាគមន៍ឆ្ពោះទៅរករដ្ឋាភិបាលអេឡិកត្រូនិក និងសេដ្ឋកិច្ចឌីជីថលនៅពេលអនាគត។
