ដោយ ដួង ចន្ទ្រា
ភ្នំពេញ៖ សមាគមពាណិជ្ជកម្មចិននៅកម្ពុជាអះអាងថា យុទ្ឋសាស្ត្រខ្សែក្រវ៉ាត់មួយផ្លូវមួយបាននិងកំពុងរីកចម្រើននៅកម្ពុជា ហើយការបង្កើតថ្មីដោយទទួលបានផលប្រយោជន៍ទៅវិញទៅមក រវាងប្រទេសចិននិងកម្ពុជា កំពុងអភិវឌ្ឍន៍រួមគ្នានៅក្នុងយុគសម័យថ្មី។
លោក YU LINGXIONG ប្រធានកិត្តិយសនៃសមាគមពាណិជ្ជកម្មចិននៅកម្ពុជាបានថ្លែងក្នុងពិធីបុណ្យប្រចាំឆ្នាំរបស់ខ្លួននៅកម្ពុជា កាលពីល្ងាចថ្ងៃម្សិលម៉ិញថា នៅក្នុងកិច្ចប្រជុំនេះ”ជាកន្លែង ដែលបង្ហាញពីកំណែទម្រង់ដ៏មុតស្រួចបំផុត” នៃកំណែទម្រង់សង្គមនិងការអភិវឌ្ឍន៍របស់ប្រទេសចិន ហើយយើងមានកិត្តិយសក្នុងការបំពេញ នូវឱកាសប្រវត្តិសាស្ត្រដ៏អស្ចារ្យនៃ”ផ្លូវមួយខ្សែក្រវ៉ាត់មួយ” ដែលជា “កម្រិតសម័យកាលតែមួយគត់”សម្រាប់ទសវត្សរ៍ក្រោយ។ លោកបន្តថា ក្នុងការឆ្លើយតបទៅនឹងនិន្នាការសកលលោក សម្រាប់សហគ្រាសចិនវាជាការចាំបាច់ ដើម្បីរក្សាភាគលាភទីបួនចាប់តាំងពីការកែទម្រង់ និងបើកចំហនិងទៅបរទេស។ សមាគមនឹងជានិច្ចកាលសហការយ៉ាងសកម្ម ជាមួយតម្រូវការអភិវឌ្ឍន៍ជាក់ស្តែងរបស់ប្រទេសចិន និងកម្ពុជាក្នុងការដឹកនាំ និងពង្រឹងការលើកទឹកចិត្ត និងប្រមូលផ្តុំសាទរនូវភាពជឿនលឿននៃសហគ្រាសនៅកម្ពុជា និងស្វែងរកផ្លូវសុបិន្តជំនួញថ្មី ដែលពិតជាអាចបម្រើដល់ផលប្រយោជន៍នៃប្រទេសទាំងពីរ។
លោកបន្តថា នាពេលអនាគតសមាគមពាណិជ្ជកម្មចិននៅកម្ពុជា នឹងកែលម្អជាបណ្តើរៗនូវប្រព័ន្ធដឹកនាំរបស់សមាគម និងការផ្តល់ជូននូវសេវាប្រកបដោយប្រសិទ្ធភាព សម្រាប់សហគ្រាសបច្ចុប្បន្ន។ ជាលទ្ធផលសមាគមពាណិជ្ជកម្មចិននៅកម្ពុជា ពិតជាអាចបម្រើដល់សហគ្រាសនៃប្រទេសទាំងពីរ និងផ្តល់អត្ថប្រយោជន៍ដល់ប្រជាជនទាំងពីរ។ នាពេលអនាគតសមាគមពាណិជ្ជកម្មចិននៅកម្ពុជា នឹងមានភាពច្នៃប្រឌិតមិនចេះចប់ ក្នុងការឆ្លើយតបចំពោះគំនិតផ្តួចផ្តើមដ៏អស្ចារ្យនូវការគាំទ្រដល់យុទ្ធសាស្ត្រ “ផ្លូវមួយ ខ្សែក្រវាត់មួយ “។ លោកបន្តថា ចាប់តាំងពីការបង្កើតសមាគមឡើងមក សមាគមនេះបាននាំយកនូវធនធាន ដែលមានគុណសម្បត្តិរបស់ប្រទេសចិន និងកម្ពុជា មកជំរុញការផ្លាស់ប្តូរមិត្តភាពរវាងប្រទេសទាំងពីរ។ ឆ្លើយតបយ៉ាងសកម្មចំពោះគំនិតផ្តួចផ្តើម “ផ្លូវមួយខ្សែក្រវ៉ាត់មួយ” បានជំរុញការអនុវត្តន៍ជាក់ស្តែង នៃយុទ្ធសាស្ត្រ “ផ្លូវមួយខ្សែក្រវ៉ាត់មួយ” ដោយការសាងសង់នៅក្នុងប្រទេសកម្ពុជា និងបំពេញការអភិវឌ្ឍជាក់ស្តែងនៃប្រទេសចិន និងកម្ពុជា ហើយព្រមទាំងដើរតួនាទីជាស្ពានដ៏ល្អមួយ ក្នុងដំណើរជាជំហានម្តង។
លោក YU LINGXIONG បានបន្តថា ព្រឹត្តិការណ៍នេះស្ថិតនៅក្រោមប្រធានបទ”សម្រាប់ការចាប់ផ្តើមនៃឆ្នាំថ្មី អ្វីៗនឹងកែប្រែប្រសើរឡើង” ដែលជាប្រធានបទមួយ បានរៀបចំឡើងនៅក្នុងរចនាបថពហុជាតិ ដែលមានស្តង់ដាអន្ដរជាតិខ្ពស់ ហើយជាធាតុផ្សំនៃសម័យកាល និងការច្នៃប្រឌិត ការស្រាវជ្រាវផ្អែកលើការតស៊ូនាពេលបច្ចុប្បន្ន របស់អ្នកដែលកំពុងតស៊ូរង់ចាំថ្ងៃអនាគត។ ហើយការវិនិយោគលើយុទ្ធសាស្ត្រ “ផ្លូវមួយខ្សែក្រវ៉ាត់មួយ” នៅកម្ពុជាបានតែកំពុងរីកចម្រើនរួចទៅហើយ។
ពិធីបុណ្យប្រចាំឆ្នាំ2017គឺជាឆ្នាំទី១ នៃសមាគមពាណិជ្ជកម្មចិននៅកម្ពុជា ជាសនិ្នសីទនិងការវាយតម្លៃទាំងអស់របស់សមាគម។ វាជាព្រឹត្តិការណ៍ប្រចាំឆ្នាំដែលជួយឱ្យសមាគមពាណិជ្ជកម្មចិន នៅកម្ពុជារួបរួមគ្នាតែមួយ។ ព្រឹត្តិការណ៍នេះបានបង្ហាញដល់ពិភពលោកថា សមាគមពាណិជ្ជកម្មចិននៅកម្ពុជាបានអនុវត្តតាមគោលការណ៍ នៃការរក្សាល្បឿនជាមួយពេលវេលា និងមិនផ្លាស់ប្តូរគំនិតរបស់ខ្លួន។
លោក YU LINGXIONG បានបន្តថា តាមរយៈបេសកកម្មរបស់ខ្លួនក្នុងការបង្កើត និងអនុវត្តគម្រោង”ផ្លូវមួយខ្សែក្រវ៉ាត់មួយ” សមាគមពាណិជ្ជកម្មចិននៅកម្ពុជា មានគោលបំណងជំរុញការផ្លាស់ប្តូររវាងរដ្ឋាភិបាល និងសហគ្រាសនៅក្នុងប្រទេសកម្ពុជានិងចិន។ កិច្ចសហប្រតិបត្តិការលើអាជីវកម្មជាច្រើនបាននាំមកនូវចក្ខុវិស័យដ៏ល្អមួយ នៃភាពចម្រុងចម្រើន និងវិបុលភាពទូទៅសម្រាប់សហគ្រាស ដើម្បីជំរុញសេដ្ឋកិច្ចនិងពាណិជ្ជកម្មរបស់ប្រទេសចិននិងកម្ពុជាស្ថិតក្នុងកម្រិតថ្មីមួយ៕
