ដោយ ប៊ី
ភ្នំពេញៈ យោងតាមគណៈកម្មាធិការពាណិជ្ជកម្មអន្តរជាតិ របស់សហរដ្ឋអាមេរិកបានឲ្យដឹងថា សង្រ្គាមពាណិជ្ជកម្មអាមេរិក ចិន បានធ្វើឲ្យប្រទេសទាំងពីរខាតបង់គិតជាទឹកប្រាក់ ៤១ពាន់លានដុល្លារ ក្នុងការនាំចេញសរុបក្នុងឆ្នាំដំបូងនៃសង្គ្រាមពាណិជ្ជកម្ម។
ទិន្នន័យនាំចេញរបស់អាមេរិកបានបង្ហាញថា ការនាំចេញរបស់អាមេរិកទៅកាន់ប្រទេសចិនបានធ្លាក់ចុះខ្លាំងបំផុត ដោយធ្លាក់ចុះ ៣ភាគរយ ស្មើនឹងទឹកប្រាក់២៣ពាន់លានដុល្លារ។ ចំណែកការនាំចេញរបស់ប្រទេសចិន ទៅកាន់អាមេរិកបាន
ធ្លាក់ចុ១៤ភាគរយដែលស្មើនឹងទឹកប្រាក់១៨ពាន់លានដុល្លារ។
របាយការណ៍សេដ្ឋកិច្ចរបស់ទីភ្នាក់ងារព័ត៌មាន Bloomberg បានចេញផ្សាយនៅសប្តាហ៍នេះថា ការប៉ាន់ប្រមាណតម្លៃខាតបង់នៃសង្គ្រាមអាមេរិក និងចិនអាចមានទំហំទឹកប្រាក់១,២ពាន់ពាន់លានដុល្លារ ដោយផលិតផលសរុបក្នុងស្រុកលើពិភពលោក និងសេដ្ឋកិច្ចពិភពលោកយឺតយ៉ាវ ដូចជាវិបត្តិហិរញ្ញវត្ថុសកលកាលពីឆ្នាំ ២០០៨៕
