ដោយ សារី
ភ្នំពេញៈ ជំនាញភាពជាអ្នកដឹកនាំឆ្ពោះទៅរកភាពជោគជ័យកម្រិតកំពូល សម្រាប់ម្ចាស់អាជីវកម្ម” បានឆក់យកបេះដូងសហគ្រិន និងអ្នករកស៊ីនៅកម្ពុជាដែលជាសមាជិក និងមិនមែនសមាជិកបន្តសម្រុកចុះឈ្មោះកើនដល់ ១៥០នាក់កាលពីចុងសប្តាហ៍មុន។
ជំនាញដែលទទួលបានការបង្វឹកផ្ទាល់ពីលោក អោម សេងបូរ៉ា ស្ថាបនិក CEO Master Club មិនត្រឹមតែអាចជួយឱ្យម្ចាស់អាជីវកម្មមានសមត្ថភាពកាន់តែខ្ពស់ក្នុងការដឹកនាំ គ្រប់គ្រង ចាត់ចែងអាជីវកម្មកាន់តែរីកចម្រើននោះទេ សហគ្រិនដែលបានចូលរួមក៏អាចចាប់យកឱកាសវិនិយោគ លក់ផលិតផលសេវាកម្ម និងការប្រាស្រ័យទាក់ទងជាមួយម្ចាស់អាជីវកម្មមកពីទូទាំងប្រទេស ព្រមទាំងអាចចាប់យកឱកាសលូតលាស់រីកចម្រើនជោគជ័យបានលឿនជាងអ្នករកស៊ីធម្មតា ចំណេញពេលវេលា មិនខាតជីវិតរស់នៅក្នុងបញ្ហានៃការរកស៊ីដែលគ្មានក្បួនច្បាស់លាស់ផងដែរ។
-->
តួលេខនៃចំនួនម្ចាស់អាជីវកម្មចូលរួមលើកនេះ បានកើនឡើងកាន់តែខ្ពស់ បើធៀបនឹងកម្មវិធីបង្វឹកជំនាញ “ភាពជាអ្នកដឹកនាំ ឆ្ពោះទៅរកភាពជោគជ័យកម្រិតកំពូល” កាលពីថ្ងៃ១-២ មិថុនាកន្លងទៅដែលមានម្ចាស់អាជីវកម្មចុះឈ្មោះចូលរួម ១១០នាក់។
ការឆក់យកបេះដូងអ្នករកស៊ីនៅកម្ពុជា ឱ្យចូលមកពង្រឹងសមត្ថភាពកាន់តែច្រើនឡើងៗនេះ ត្រូវបានម្ចាស់អាជីវកម្ម ដែលធ្លាប់បានមកពង្រឹងសមត្ថភាពកន្លងមក និងបន្តចូលរួមវគ្គនេះ បានបង្ហាញពីការពេញចិត្តការបង្វឹករបស់លោកគ្រូ អោម សេងបូរ៉ា ស្ថាបនិក CEO Master Club នៃវិទ្យាស្ថានស៊ីអ៊ីអូ ហើយបានណែនាំម្ចាស់អាជីវកម្មផ្សេងៗទៀតចូលរួមជាមួយគ្នាដែរ។
តាមរយៈការមើលឃើញលទ្ធផល និងគុណតម្លៃ របស់ក្លឹបម្ចាស់អាជីវកម្មក្នុងស្រុកមួយនេះ ដែលបានជួយដល់សហគ្រិនកម្ពុជា និងសមាជិក ៨៤១នាក់ នៅទូទាំងប្រទេសឱ្យរីកចម្រើន បានធ្វើឱ្យម្ចាស់អាជីវកម្ម បានសម្រេចចិត្តចូលជាសមាជិកដោយឥតសង្ស័ យ ជាមួយនឹងការទទួលបានប្រយោជន៍ទាំង៧ ដែលជួយឱ្យចំណេញទាំងពេលវេលា និងថវិកា ហើយថែមទាំងបានណែនាំមិត្តភ័ក្តជាបន្តបន្ទាប់ ឱ្យមកចូលរួមកម្មវិធីបង្វឹក របស់ CEO Master Club ជាមួយគ្នា ដើម្បីភ្លក្សរសជាតិថ្មីៗ សម្រាប់ការអភិវឌ្ឍសមត្ថភាពក្លាយជាអ្នកដឹកនាំអាជីវកម្មពូកែ និងអគ្គនាយកអាជីពប្រកបដោយភាពជោគជ័យ៕
