ដោយ Donald Lee
ភ្នំពេញៈ ប្រទេសកម្ពុជាបានជាប់ក្នុងកំពូលតារាងទាំងបី ក្នុងតំបន់អាស៊ានដែលទទួលបានផលប្រយោជន៍ ពីគំរោងខ្សែក្រវ៉ាត់មួយផ្លូវ១របស់ប្រទេសចិន។
យោងតាមទិន្ន័យបានពីការសិក្សាស្រាវជ្រាវមួយបានបង្ហាញថា ប្រទេសចិននៅតែជាដៃគូពាណិជ្ជកម្មធំបំផុត របស់ប្រទេសកម្ពុជា ជាអ្នកវិនិយោគទុនដ៏ធំបំផុត ម្ចាស់ជំនួយទ្វេរភាគី អ្នកនាំចូលអង្ករកម្ពុជា និងជាប្រភពដើមនៃភ្ញៀវទេសចរបរទេស។ ប្រទេសកម្ពុជាស្ថិតក្នុងលំដាប់កំពូលទាំងបី នៃបណ្តាប្រទេសអាស៊ាន ដែលទទួលបានលំហូរមូលធនទាក់ទង នឹងគម្រោងខ្សែក្រវ៉ាត់មួយផ្លូវមួយ ដែលមានទំហំទឹកប្រាក់ចំនួន ១០៤ពាន់លានដុល្លារ។
-->
ក្រៅពីប្រទេសកម្ពុជាដែលបានទទួលផលប្រយោជន៍ច្រើន នៃលំហូរទុនវិនិយោគក្រោមគំរោងខ្សែក្រវ៉ាត់១ ផ្លូវ១របស់ចិន ប្រទេសពីរទៀតគឺប្រទេសឥណ្ឌូនេស៊ី និងហ្វីលីពីន។
រដ្ឋាភិបាលកម្ពុជា ក៏បានពន្លឿនច្បាប់ពាណិជ្ជកម្មអេឡិចត្រូនិច ដែលពន្យារពេល ខណៈក្រុមហ៊ុនបច្ចេកវិទ្យាចិនដូចជាក្រុមហ៊ុន Alibaba Group បានសម្តែងការចាប់អារម្មណ៍ក្នុងការផ្លាស់ប្តូរប្រទេសនេះ ទៅជាមជ្ឈមណ្ឌលពាណិជ្ជកម្មអេឡិចត្រូនិកកណ្តាលក្នុងរយៈពេល៥ឆ្នាំខាងមុខនេះ។
ជាមួយគ្នានេះ កម្ពុជាក៏ទទួលបានផលប្រយោជន៍ ពីទំនាក់ទំនងជាមួយសហរដ្ឋអាមេរិកផងដែរ។
ពាណិជ្ជកម្មរបស់សហរដ្ឋអាមេរិក ជាមួយកម្ពុជាបានកើនឡើងដល់ជាង១ពាន់លានដុល្លារនៅក្នុងត្រីមាសដំបូងនៃឆ្នាំនេះ។ ប្រទេសកម្ពុជាបាននាំចេញទំនិញតម្លៃ ១,១២ពាន់លានដុល្លារអាមេរិកទៅកាន់អាមេរិក ចាប់ពីខែមករា ដល់ខែមីនា។ ការនាំចេញកាលពីឆ្នាំមុន ក្នុងអំឡុងពេលដូចគ្នាកាលពីឆ្នាំមុន ការនាំចេញកម្ពុជាទៅកាន់អាមេរិកមានតម្លៃប្រមាណ ៩០៣,៦លានដុល្លារ។ ការនាំចេញរបស់កម្ពុជាទៅកាន់អាមេរិកមានតម្លៃសរុប៣,៨ពាន់លានដុល្លារកាលពីឆ្នាំមុន។
ការកើនឡើងនៃភាពលេចធ្លោរបស់អាស៊ាននៅឆ្នាំនេះ ដោយសារភាពតានតឹងពាណិជ្ជកម្មរវាងអាមេរិក និងចិនបានកើតឡើង។
ទាក់ទងនឹងការវិនិយោគ និងផលប្រយោជន៍ដែលកម្ពុជាទទួលបានពីគំរោងខ្សែក្រវ៉ាត់១ ផ្លូវ១របស់ចិន លោកបណ្ឌិតហុង វណ្ណៈអ្នកស្រាវជ្រាវសេដ្ឋកិច្ចនៃរាជបណ្ឌិតសភាកម្ពុជាបានមានប្រសាសន៍ថា ការដែលកម្ពុជាទទួលផលប្រយោជន៍ និងកំនើនវិនិយោគរបស់ចិន មិនមែនជារឿងចៃដន្យនោះទេ ប៉ុន្តែទំនាក់ទំនងល្អរបស់ប្រមុខរដ្ឋាភិបាលប្រទេសទាំងពីរ ដែលបានកសាងឡើងតាំងពីជំនាន់ អតីតសម្តេចព្រះបរមរតនកោដិនរោត្តម សីហនុ និងការដឹកនាំដ៏ឈ្លាសវៃរបស់សម្តេចតេជោហ៊ុន សែននាយករដ្ឋមន្រ្តីកម្ពុជា បានធ្វើឲ្យប្រទេសចិនកាន់តែមានទំនុកចិត្តលើកម្ពុជា និងបានចាត់ទុកកម្ពុជាជាមិត្តដែកថែបមួយ។
លោកបន្តថា “ទំនាក់ទំនងល្អ ភូមិសាស្រ្តនយោបាយ កំណើនសេដ្ឋកិច្ច និងស្ថេរភាពនយោបាយ ជាកត្តាសំខាន់ក្នុងការទាក់ទាញការវិនិយោគរបស់ចិននៅកម្ពុជា”៕
