ក្រសួងដែនដីតម្រូវឲ្យអ្នកវិនិយោគលើលំនៅដ្ឋានរៀបចំប្រព័ន្ឋចម្រោះទឹកកខ្វក់

0

​ដោយ ដួង ចន្រ្ទា
​ភ្នំពេញ ៖ រដ្ឋមន្រ្តីក្រសួងរៀបចំថដែនដី នគរូបនីយកម្មនិសំណង់បានដាក់​បទបញ្ញត្តិថ្មីមួយ ដោយតម្រូវឲ្យអ្នកអភិវឌ្ឍន៍លំនៅដ្ឋាន ឬបុរីនានារៀបចំប្រព័ន្ឋ​ចម្រោះទឹកកខ្វក់ចេញពីគំរោងរបស់ពួកគេ ដើម្បីផលប្រយោជន៍សាធារណៈ។

ទេសរដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់លោក​ជា សុផារ៉ា បានលើកឡើងក្នុងសន្និបាត បូកសរុបលទ្ធផលការងារឆ្នាំ២០១៧ និងលើកទិសដៅការងារឆ្នាំ ២០១៨កាលពីពេលថ្មីៗនេះថា គ្រប់គម្រោងសំណង់នៃអាគារសាធារណៈ ម្ចាស់គម្រោងបុរីលំនៅឋាន គម្រោងម្ចាស់ផ្ទះល្វែង ត្រូវតែភ្ជាប់មកជាមួយគម្រោងចម្រុះទឹកស្អាត មកក្រសួងរៀបចំដែនដី នគរូបនីយកម្ម និងសំណង់មុនចាប់ផ្ដើមការសាងសង់។
លោកបន្តថា “ក្រសួងនឹងរៀបចំប្រព័ន្ធចម្រោះទឹកស្អាត នៅតាមប្រឡាយនានា មុននឹងធ្វើការបង្ហូរចេញក្រៅនាពេលឆាប់ៗនេះ”។

លោកបណ្ឌិតស៊ាង ប៊ុនលាងស្ថាត្យករកម្ពុជាដែលបានសាងសង់និងគូប្លង់វិមានសន្តិភាពបានថ្លែងថា គំរោងបុរីនិមួយៗ គួររៀបចំឲ្យមានប្រព័ន្ឋចម្រោះទឹក​កខ្វក់មុនបង្ហូរចេញ ដើម្បីលើកកំពស់បរិស្ថាននៅតាមសហគមន៍ និងបំរើដល់ផលប្រយោជន៍សាធារណៈ ព្រោះការមិនបែងចែកប្រព័ន្ឋទឹកស្អាត និងទឹកស្អុយដាច់ពីគ្នា និងមិនមានប្រព័ន្ឋចម្រោះត្រឹមត្រូវ បានបង្កហានិភ័យដល់សុខភាព​ខ្លាំងណាស់ ពិសេសនៅពេលរដូវភ្លៀងមកដល់ ទឹកកខ្វក់និងទឹកស្អាតបញ្ចូលគ្នា នឹងធ្វើឲ្យមានមេរោគសាយភាយនៅក្នុងបរិស្ថាន។


លោកបណ្ឌិតបន្តថា “នៅក្រោយពេលភ្លៀង ផ្លូវឬភូមិដ្ឋានស្ងួត ហើយមាន​ខ្យល់បក់មក បាននាំមេរោគមកជាមួយ ដែលធ្វើឲ្យប្រជាជនកើតជំងឺផ្តាសាយនិង ជំងឺផ្សេងៗទៀត”៕

LEAVE A REPLY

Please enter your comment!
Please enter your name here