ដោយ ប៊ី
ភ្នំពេញៈ ទំហំពាណិជ្ជកម្មតាមព្រំដែនរវាងកម្ពុជា-ថៃបានឈានដល់ប្រមាណ ២,៦០០លានដុល្លារ (៨០,២២ ពាន់លានបាត) នៅក្នុងឆមាសទីមួយឆ្នាំនេះ។ នេះយោងតាមរបាយការណ៍នៃនាយកដ្ឋានពាណិជ្ជកម្មបរទេស នៃក្រសួងពាណិជ្ជកម្មថៃដែលបានចេញផ្សាយកាលពីពេលថ្មីៗនេះ។
លោក Adul Chotinisakorn អគ្គនាយកនៃនាយកដ្ឋានពាណិជ្ជកម្មបរទេសបាន បានប្រាប់កាសែតបាងកកប៉ុស្តិ៍ថា ការធ្វើពាណិជ្ជកម្មតាមព្រំដែននៅតែមានកំណើន បើទោះជាប្រាក់បាតឡើងថ្លៃ រូបិយប័ណ្ណងាយនឹងបង្កជាហេតុ នៃបណ្តាប្រទេសអាស៊ានផ្សេងទៀត ជម្លោះពាណិជ្ជកម្មរវាងចិន និងអាមេរិក និងជម្លោះពាណិជ្ជកម្មអន្តរជាតិរីករាលដាលក្តី។
-->
លោក Adul នៅតែមានសុទិដ្ឋិនិយមថា សកម្មភាពពាណិជ្ជកម្មតាមព្រំដែនវិជ្ជមាននៅក្នុងឆមាសទី២នៃឆ្នាំនេះ ដោយផ្អែកលើលោកឧបនាយករដ្ឋមន្ត្រី និងជារដ្ឋមន្ត្រីក្រសួងពាណិជ្ជកម្ម Jurin Laksanawisit ក្នុងការបង្កើនពាណិជ្ជកម្មតាមព្រំដែន ដែលជាអាទិភាពកំពូលមួយរបស់លោក។
នាយកដ្ឋាននេះក៏ប្តេជ្ញាបន្តសកម្មភាព ដើម្បីជំរុញពាណិជ្ជកម្មតាមព្រំដែនរួមទាំងកម្មវិធីអភិវឌ្ឍន៍បណ្តាញសហគ្រិនវ័យក្មេងដែលផ្តួចផ្តើមដោយរដ្ឋាភិបាល។
បានចាប់ផ្តើមនៅឆ្នាំ២០១៥ ដើម្បីលើកទឹកចិត្តដល់សហគ្រិនថៃ ឱ្យវិនិយោគនៅប្រទេសជិតខាង គម្រោងអភិវឌ្ឍន៍បណ្តាញសហគ្រិនវ័យក្មេង មានលក្ខណៈពិសេសនៃដំណើរកម្សាន្តបែបអាជីវកម្ម និងវគ្គបណ្តុះបណ្តាល ពិសេសសម្រាប់ពាណិជ្ជករវ័យក្មេងនៅក្នុងប្រទេសកម្ពុជា ឡាវ មីយ៉ាន់ម៉ា វៀតណាម និងថៃដើម្បីស្វែងយល់ពីវប្បធម៌ និងបទប្បញ្ញត្តិគ្នាទៅវិញទៅមក។
កាលពីថ្ងៃទី២២ មេសាកន្លងមកនេះ អញ្ជើញជាអធិតបីក្នុងពិធីចាក់បេតុងជានិម្មិតរូបនៅស្ពានស្ទឹងបត់ និងពិធីចុះហត្ថលេខាតភ្ជាប់ផ្លូវដែករវាងប្រទេសទាំងពីរ ជាមួយលោកនាយករដ្ឋមន្ត្រីថៃ លោកប្រាយុទ្ឋ ចាន់អូចា និងសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នើដល់នាយករដ្ឋមន្ត្រីថៃ លោក ប្រាយុទ្ធ ចាន់អូចាឲ្យមានការបើកច្រកព្រំដែនចំនួន៤កន្លែងទៀតរវាងប្រទេសទាំងពីរ។
ការបើកច្រកព្រំដែនចំនួន៤កន្លែងនេះ រួមមានច្រកព្រំដែន ទាំងបួនកន្លែងនោះ រួមមាន ទី១ ច្រក អានសេះ ខេត្តព្រះវិហារ – និងច្រកអាន ម៉ា ខេត្តកេត វ័នឡាសុថានី ប្រទេសថៃ។ ទី២ ច្រកភ្នំដី ក្នុងខេត្តបាត់ដំបង និងច្រកខោឌីន ក្នុងខេត្ត ស្រះកែវ។ ទី៣ ច្រកថ្មដាក្នុងខេត្តពោធិ៍សាត់ និង ច្រក ថាសេន ក្នុងខេត្តស្រះកែវ និងទី៤ ច្រករបៀងជប់គគីរ ក្នុងខេត្ត ឧត្តរមានជ័យ និងខេត្ត បូរីរ៉ាំ។
សម្តេចថាការ “បើកច្រកព្រំដែននេះ គឺជាយុទ្ធសាស្ត្រ កិច្ចសហប្រតិបត្តិការសន្តិភាព ពាណិជ្ជកម្ម និងវិនិយោគនៃប្រទេសជាប់ព្រុំដែនរបស់កម្ពុជា។ សម្តេចបន្ថែមថា “ទំហំពាណិជ្ជកម្មរវាងកម្ពុជា-ថៃនាពេលបច្ចុប្បន្ននេះ កើនដល់៦ពាន់លានដុល្លារសហរដ្ឋអាមេរិក”៕
 នៅក្នុងឆមាសទីមួយឆ្នាំនេះ។){kind=link}