ដោយ Donald Lee
ភ្នំពេញ៖ ប្រធានាធិបតីអាមេរិក Donald Trump បានបញ្ជាក់ថា លោកមិនបានត្រៀមខ្លួនធ្វើការចរចាពាណិជ្ជកម្មជាមួយចិនទេ ខណៈដែលសង្គ្រាមពាណិជ្ជកម្មអាមេរិក-ចិនកំពុងបន្តធ្វើឱ្យប៉ះពាល់ដល់កំណើនសេដ្ឋកិច្ចពិភពលោក។
លោក Trump បាននិយាយកាលពីថ្ងៃសៅរ៍ថា “យើងកំពុងពិភាក្សាជាមួយប្រទេសចិន។ យើងមិនទាន់ត្រៀមខ្លួនដើម្បីធ្វើការចរចារនោះទេ ប៉ុន្តែយើងនឹងចាំមើលមានអ្វីនឹងកើតឡើង។
លោកបានបន្ថែមថា “ចិនចង់ធ្វើអ្វីមួយក្នុងការចរចា ប៉ុន្តែខ្ញុំមិនទាន់ធ្វើអ្វីនៅឡើយទេ។ ការរំលោភបំពានរយៈពេល ២៥ ឆ្នាំ (ចិន)។ ខ្ញុំមិនទាន់ត្រៀមខ្លួនលឿនទេ។
លោក Trump ក៏បានចេញនូវយោបល់ថា លោកនឹងអនុញ្ញាតឱ្យក្រុមហ៊ុនបច្ចេកវិទ្យាយក្សចិន Huawei ធ្វើអាជីវកម្មមានកំណត់ជាមួយក្រុមហ៊ុនអាមេរិក។
នៅពេលភាពតានតឹងផ្នែកពាណិជ្ជកម្មបានកើនឡើងនៅសប្តាហ៍មុននេះ បច្ចុប្បន្នលោក Trump បានដាក់បញ្ជីខ្មៅក្រុមហ៊ុន Huawei ពេញលេញឡើងវិញរហូតទាល់តែមានកិច្ចព្រមព្រៀងពាណិជ្ជកម្មមួយដែលអាចធ្វើទៅបានវវាងប្រទេសដែលមានសេដ្ឋកិច្ចធំបំផុតទី ២ របស់ពិភពលោក។
លោក Trump បាននិយាយថា “យើងនឹងមិនធ្វើជំនួញជាមួយក្រុមហ៊ុន Huawei ទេ ហើយខ្ញុំពិតជាបានធ្វើការសម្រេចចិត្តនេះ។
Trump បានបន្ថែមថា “វាមិនងាយស្រួលទេក្នុងការធ្វើជំនួញណាមួយជាមួយក្រុមហ៊ុន Huawei ។ នេះមិនមែនមានន័យថា យើងនឹងមិនយល់ព្រមលើអ្វីនោះទេ ប្រសិនបើ ឬនៅពេលដែលយើងធ្វើកិច្ចព្រមព្រៀងពាណិជ្ជកម្ម។
ក្រុមអ្នកវិភាគ ជឿជាក់ថា ការចុះក្នុងបញ្ជីខ្មៅក្រុមហ៊ុន Huawei គឺជាការសងសឹកចំពោះការបដិសេធរបស់ចិនក្នុងការទិញទំនិញកសិកម្មរបស់អាមេរិក ជាពិសេសសណ្តែកសៀង៕
