ដោយ Donald Lee
ភ្នំពេញៈ គម្រោងគំនិតផ្តួចផ្តើមខ្សែក្រវ៉ាត់១ ផ្លូវ១ របស់ចិន (BRI) បានបញ្ចូលទឹកប្រាក់ជាង១១ពាន់លានដុល្លារ ទៅក្នុងតំបន់អាស៊ីអាគ្នេយ៍ក្នុងឆ្នាំនេះ ដែលចំនួននេះស្ទើរតែកើនឡើងទ្វេដង នៃការវិនិយោគនៅឆមាសទី១ឆ្នាំមុន។ បើយោងតាមរបាយការណ៍វិនិយោគថ្មីរបស់ចិន ដែលធ្វើឡើងដោយធនាគារ Maybank។
ភាគច្រើននៃកិច្ចសន្យា BRI ថ្មីក្នុងរយៈពេល៦ខែដំបូងនៃឆ្នាំនេះ ត្រូវបានផ្តោតលើកម្ពុជា ឥណ្ឌូនេស៊ី និងវៀតណាម។
កិច្ចសន្យាវិនិយោគ និងហេដ្ឋារចនាសម្ព័ន្ធរបស់ចិនមកកម្ពុជា សម្រាប់ឆមាសទី១ ឆ្នាំ២០១៩ ស្មើនឹង២,៥៣ពាន់លានដុល្លារ។ នេះបើយោងតាម Maybank ។
ឥណ្ឌូណេស៊ី ទទួលបានការវិនិយោគចិនច្រើនបំផុតនៅឆ្នាំនេះ ដោយមានកិច្ចសន្យាដែលមានតម្លៃជាង៣ពាន់លានដុល្លារ។ ប្រទេសវៀតណាមក៏ស្ថិតនៅលំដាប់កំពូលនៃបញ្ជី ជាមួយការវិនិយោគជាង ១,៥ពាន់លានដុល្លារនៅឆ្នាំនេះ កើនឡើង២០០ភាគរយ។
យោងតាមអ្នកវិភាគដែលចូលរួមនៅក្នុងកម្មវិធីតាមដាន វិនិយោគសកលចិនដែលធ្វើឡើងដោយធនាគារ Maybankបានឱ្យដឹងថា ការកើនឡើងនៃការវិនិយោគចិននៅអាស៊ីអាគ្នេយ៍ភាគច្រើន កើតចេញពីសង្គ្រាមពាណិជ្ជកម្មអាមេរិក-ចិនដែលក្រុមហ៊ុនកំពុងស្វែងរកការផ្លាស់ប្តូរទីតាំង នៃខ្សែសង្វាក់ផ្គត់ផ្គង់របស់ពួកគេទៅក្នុងតំបន់អាស៊ាន ដើម្បីជៀសវាងពន្ធរបស់សហរដ្ឋអាមេរិក។
អាមេរិកគឺជាទីផ្សារធំបំផុតទី២របស់កម្ពុជា និងកម្ពុជាទទួលបានការធ្វើពាណិជ្ជកម្មសេរីក្រោមកិច្ចព្រមព្រៀងពាណិជ្ជកម្ម ដែលមានលក្ខណៈទូទៅ (GSP)។
ពាណិជ្ជកម្មរវាងអាមេរិក និងកម្ពុជា បានកើនឡើងដល់ជាង ១ពាន់លានដុល្លារនៅក្នុងត្រីមាសទី១ នៃឆ្នាំនេះ។
កម្ពុជាបាននាំចេញទំនិញមានតម្លៃ ១,១២ពាន់លានដុល្លារ ទៅកាន់អាមេរិកចាប់ពីខែ មករា ដល់ខែមីនា ខណៈរយៈពេលដូចគ្នាកាលពីឆ្នាំមុនការនាំចេញទៅអាមេរិកមានទឹកប្រាក់តែ ៩០៣,៦លានដុល្លារ។
ការនាំចេញរបស់កម្ពុជា ទៅកាន់សហរដ្ឋអាមេរិក មានចំនួន ៣៨០០លានដុល្លារកាលពីឆ្នាំមុន៕
 បានបញ្ចូលទឹកប្រាក់ជាង១១ពាន់លានដុល្លារ ទៅក្នុងតំបន់អាស៊ីអាគ្នេយ៍ក្នុងឆ្នាំនេះ){kind=link}