ដោយ Donald Lee
ភ្នំពេញ៖ ក្រុមហ៊ុនស្បែកជើងអាមេរិកបានផ្ញើលិខិតរួមមួយទៅកាន់ប្រធានាធិបតីអាមេរិកលោក Donald Trump ដើម្បីលុបចោលការស្នើសុំពន្ធលើទំនិញចិនដែលចូលជាធរមាននៅក្នុងខែ កញ្ញា ដោយនិយាយថា វាដំឡើងថ្លៃសម្រាប់អ្នកប្រើប្រាស់ស្បែកជើងអាមេរិក។
ផលិតផលស្បែកជើងពីប្រទេសចិននឹងត្រូវដំឡើងពន្ធ ១៥ ភាគរយចាប់ពីខែក្រោយ។
លិខិតរួមពីក្រុមហ៊ុនស្បែកជើងអាមេរិកជាង ២០០ រួមទាំងអាឌីដាស បានបន្ថែមទៀតថា “ពន្ធបន្ថែម ១៥ ភាគរយនេះនឹងធ្វើឱ្យអ្នកការចំណាយប្រើប្រាស់ស្បែកជើងអាមេរិកកើនឡើង ៤ ពាន់លានដុល្លារជារៀងរាល់ឆ្នាំ”។
លិខិតនោះបានសរសេរថា “ការដាក់ពន្ធគយនៅខែ កញ្ញា ភាគច្រើនលើផលិតផលស្បែកជើងទាំងអស់ពីចិនរួមទាំងស្បែកជើងស្បែកស្ទើរតែទាំងអស់នឹងធ្វើឱ្យប្រជាជនអាមេរិក និងគ្រួសារដែលខិតខំធ្វើការមិនរួចផុតពី ពីការដំឡើងពន្ធទាំងនេះ”។
ប្រធានាធិបតីអាមេរិកលោក Trump បាននិយាយថា លោកបានទំនាក់ទំនងជាមួយមន្រ្តីពាណិជ្ជកម្មចិន ប៉ុន្តែលោកមិនចង់បោះបង់ចោលសង្គ្រាមពាណិជ្ជកម្មទេទាល់តែមានតុល្យភាពពាណិជ្ជកម្មជាមួយចិន។
រដ្ឋាភិបាលចិនបានបញ្ជាក់ម្តងហើយម្តងទៀតថា ពួកគេចង់បានដំណោះស្រាយចរចាដោយសន្តិវិធីចំពោះសង្គ្រាមពន្ធនេះ។
លោក Gao Feng អ្នកនាំពាក្យក្រសួងពាណិជ្ជកម្មចិន បាននិយាយកាលពីថ្ងៃព្រហស្បតិ៍ថា “យើងបដិសេធយ៉ាងដាច់ខាតនូវការកើនឡើងនៃសង្គ្រាមពាណិជ្ជកម្ម ហើយយើងមានឆន្ទៈក្នុងការចរចា និងសហការគ្នាដើម្បីដោះស្រាយបញ្ហានេះដោយឥរិយាបថស្ងប់ស្ងាត់”៕
