ដោយៈ រ៉ាណេត
ភ្នំពេញ៖ រោងថ្មីផលិតកាបូបថ្មីមួយទៀត វិនិយោគដោយក្រុមហ៊ុន HIPKEUNG (CAMBODIA) MANUFACTURING Co,. Ltd នឹងបង្ហាញវត្តមាន និងចាប់ដំណើរការផលិតកម្មនៅក្នុងខេត្តកំពង់ស្ពឺ បន្ទាប់ពីទទួលបានការសម្រេចនិងអនុម័តពីក្រុមប្រឹក្សាអភិវឌ្ឍន៍កម្ពុជា។
តបទៅនឹងការស្នើសុំវិនិយោគ លើគម្រោងបង្កើតរោងចក្រផលិតកាបូបគ្រប់ប្រភេទរបស់ក្រុមហ៊ុន HIP KEUNG (CAMBODIA) MANUFACTURING Co,. Ltd កាលពីពេលកន្លងទៅនោះ នៅត្រឹមព្រឹកថ្ងៃទី៦ ខែកញ្ញា ឆ្នាំ២០១៩នេះ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញ “វិញ្ញាបនប័ត្រចុះបញ្ជីជាស្ថាពរ” ជូនដល់ក្រុមហ៊ុនខាងលើ ដែលមានទីតាំងស្ថិតនៅភូមិព្រះខែ ឃុំកាហែង ស្រុកសំរោងទង ខេត្តកំពង់ស្ពឺ មានទុនវិនិយោគប្រមាណ៦លានដុល្លារអាមេរិក និងអាចបង្កើតការងារបានចំនួន ១.៨៤៥កន្លែង៕
