ដោយ វុត្ថា
អាមេរិកៈ ការដាក់ពាក្យស្នើសុំកម្ចីទិញអចលនទ្រព្យ នៅក្នុងប្រទេសសហរដ្ឋអារិកត្រូវបានធ្លាក់ចុះខ្លាំង បើទោះបីអត្រាប្រាក់កម្ចីនោះស្ថិតនៅក្នុងកម្រិតទាបក៏ដោយ ។ នេះ បើយោងតាមរបាយការណ៍ ពីសមាគមធនាគារ MBA ចេញផ្សាយកាលពីថ្ងៃពុធកន្លងមកនេះ។
របាយការណ៍ដដែលបន្តថា សន្ទស្សន៍សមាសធាតុទីផ្សារ របស់សមាគម MBA សម្រាប់បរិមាណ នៃការដាក់ពាក្យសុំប្រាក់កម្ចីទិញអចលនទ្រព្យ បានថយចុះ៣,១ភាគរយពីមួយសប្តាហ៍ ទៅមួយសប្តាហ៍។
លោក Joel Kan អនុប្រធានរងនៃសមាគម MBA បានឱ្យដឹងថា “ភាពតានតឹងពាណិជ្ជកម្ម ដែលកំពុងបន្តរវាងសហរដ្ឋអាមេរិក និងចិនបាននាំឱ្យមានការផ្លាស់ប្តូរអត្រាការប្រាក់រតនាគារកាលពីសប្តាហ៍មុន ដែលបណ្តាលឱ្យអត្រាប្រាក់កម្ចីទិញលំនៅឋាន ក្នុងរយៈពេល៣០ឆ្នាំ ធ្លាក់ចុះដល់៣,៨៧ ភាគរយដែលជាកម្រិតទាបបំផុតចាប់តាំងពីខែវិច្ឆិកាឆ្នាំ ២០១៦”។
លោកបន្តថា ក្រៅពីនេះ សន្ទស្សន៍ប្រាក់សំណង ដែលជំនួសអត្រាប្រាក់កម្ចីមានអត្រាការប្រាក់ខ្ពស់ ជាមួយនឹងប្រាក់កម្ចីមានអត្រាការប្រាក់ទាប បានធ្លាក់ចុះ៧ភាគរយពីសប្តាហ៍មុននេះ។
លោកបន្តថា “ទោះបីជាការខ្ចីប្រាក់ទាបក៏ដោយ ការកែសម្រួលបានធ្លាក់ចុះពីកម្រិតខ្ពស់កាលពីពេលថ្មីៗនេះ ប៉ុន្តែនៅតែខ្ពស់ជាង ១៥០ភាគរយកាលពីខែសីហា”។
យោងតាមរបាយការណ៍របស់សមាគម MBA បានអោយដឹងថា បន្ទាប់ពីដកចេញនូវឥទ្ធិពលនៃគំរូរដូវកាលត្រូវបានព្យាករណ៍ថា សន្ទស្សន៍នៃការទិញតាមរដូវកាលបានកើនឡើង៤ភាគរយពីមួយសប្តាហ៍មុន។
លោកបញ្ជាក់ទៀតថា “អតិថិជននៅតែបន្តធ្វើសកម្មភាព លើអត្រាការប្រាក់ទាបជាងនេះ ប៉ុន្តែការប្រែប្រួលក្នុងទីផ្សារទំនងជានាំឲ្យអ្នកខ្ចីមួយចំនួន ផ្អាកការធ្វើហិរញ្ញប្បទាននិងការសម្រេចចិត្តទិញ”៕
