ដោយ វុត្ថា
ភ្នំពេញ៖ ក្រុមហ៊ុនអាកាសចរណ៍ Avion Express បានចុះហត្ថលេខាលើកិច្ចព្រមព្រៀងជួលយន្តហោះ យន្តហោះ A321 ទៅឲ្យក្រុមហ៊ុនចំនួន២ គឺ ក្រុមហ៊ុន Sky Angkor Airlines (Cambodia) និងក្រុមហ៊ុនអាកាសចរណ៍Sky Airline (Chile) ដើម្បីបង្កើនឧស្សាហកម្មការដឹកជញ្ជូនផ្លូវអាកាសរបស់ពួកគេ។
ការចុះហត្ថលេខានេះ បើកផ្លូវឲ្យក្រុមហ៊ុនអាកាសចរណ៍ Sky Angkor Airlines បានជួលយន្តហោះ Airbus A320-200 ចំនួន២គ្រឿង ពីក្រុមហ៊ុនអាកាសចរណ៍Avion Express ក្នុងអំឡុងពេលដូចគ្នាកាលពីឆ្នាំមុន។
ជាមួយគ្នានេះដែរយន្តហោះ Airbus A320 ចំនួនពីរគ្រឿង (LY-VEF និង LY-VEI) ត្រូវបានគេដាក់ដំណើរការនៅប្រទេសឈីលី ក្នុងកិច្ចសន្យាតាមរដូវកាល។ នេះនឹងជាការរៀបចំជួលយន្តហោះលើកដំបូង រវាងក្រុមហ៊ុនអាកាសចរណ៍ Avion Express និងក្រុមហ៊ុន SKY Airline ។
ក្រុមហ៊ុន SKY Airline ដែលជាក្រុមហ៊ុនអាកាសចរណ៍តម្លៃទាប ដែលមានមូលដ្ឋាននៅ Santiago ប្រទេសឈីលី គឺជាក្រុមហ៊ុនអាកាសចរណ៍ធំជាងគេទី២ នៅក្នុងប្រទេស។ នេះបើយោងតាម Skytrax ដែលជាពានរង្វាន់ដែលផ្តល់ដោយអតិថិជនរបស់ខ្លួន។ នៅឆ្នាំ ២០១៦ ក្រុមហ៊ុន SKY Airline បានទទួលពានរង្វាន់ថ្នាក់ជាតិ ដែលមានឈ្មោះ “Procalidad” នៅក្នុងប្រភេទ “ក្រុមហ៊ុនអាកាសចរណ៍” ដែលមានការពេញចិត្តដល់អតិថិជនល្អបំផុតនៅក្នុងប្រទេសឈីលី។
ចំណែកក្រុមហ៊ុនអាកាសចរណ៍ Sky Angkor Airlines បច្ចុប្បន្នមានយន្តហោះ៧គ្រឿងបាន និងកំពុងដំណើរការជើងហោះហើរក្នុងស្រុក ទៅកាន់គោលដៅសំខាន់ៗ គឺហោះហើរទៅប្រទេសចិន និងកូរ៉េខាងត្បូង ពីខេត្តសៀមរាប និងខេត្តព្រះសីហនុ។ ក្រុមហ៊ុននេះជាកម្មសិទ្ឋរបស់កម្ពុជា។
ក្រុមហ៊ុនអាកាសចរណ៍ Avion Express គឺជាក្រុមហ៊ុនអាកាសចរណ៍ធំបំផុតនៅក្នុងប្រទេសលីទុយអានី (Lithuania) និងជាក្រុមហ៊ុនប្រតិបត្តិករជួលដីសើមធំបំផុតនៅក្នុងពិភពលោក។ ក្នុងអំឡុងឆ្នាំ 2017 ក្រុមហ៊ុនអាកាសចរណ៍ Avion Express បានប្រតិបត្តិការយន្តហោះAirbus 319/320/321គ្រឿងចំនួន១៦ គ្រឿង៕
