ដោយ វុត្ថា
ភ្នំពេញ៖ អ្នកវិនិយោគចិននៅកម្ពុជា បាននិងកំពុងដើរតួនាទីយ៉ាងសកម្មក្នុងការជំរុញកំនើនសេដ្ឋកិច្ចកម្ពុជា និងទាក់ទាញអ្នកវិនិយោគចិនថ្មីៗជាច្រើនទៀត មកវិនិយោគនៅកម្ពុជា។
លោកតាន់ស្រឺ ជួងចូវវិន អគ្គនាយកក្រុមហ៊ុនស៊ីនហ្សុងវៃ និងលោកឧកញ៉ាអ៊ឹង លីហេងបានថ្លែងឲ្យដឹង ក្នុងជំនួបជាមួយសម្តេចអគ្គមហាពញ្ញាចក្រីហេង សំរិនប្រធានរដ្ឋសភាកម្ពុជានាព្រឹកថ្ងៃទី១១ មករានេះថា លោកស្រីបាននិងកំពុងវិនិយោគជាច្រើននៅកម្ពុជា និងបាននាំពាណិជ្ជករល្បីៗមកពីចិន ដើម្បីមកវិនិយោគនៅកម្ពុជាលើវិស័យជាច្រើនផ្សេងទៀត ដើម្បីអោយសេដ្ឋកិច្ចកម្ពុជាបន្តរីកចម្រើនបន្ថែមទៀត។
លោកតាន់ស្រឺ ជួង ចូវវិនបានឲ្យដឹងថា លោកបានបង្កើតសមាគមមនុស្សធម៌ ឡាយអ៊ិនក្លិបទទួលបានជោគជ័យ ដើម្បីមកជួយវិស័យសុខាភិបាល សាសនា អប់រំ គឺជាជួយទាំងថវិកា ស្មារតីនិងបទពិសោធន៏នៅកម្ពុជា។
សម្តេចហេង សំរិនបានឲ្យដឹងថា កម្ពុជាមានការភ្ជាប់ជើងហោះហើរត្រង់ពីបណ្តាប្រទេសមួយចំនួនទាំងនៅក្នុងតំបន់ និងពិភពលោកដែលបានជំរុញឲ្យមានកំណើនទេសចរណ៏ និងអ្នកវិនិយោគផ្ទាល់ពីបរទេសមកកម្ពុជាជារៀងរាល់ឆ្នាំ។ សម្តេចបន្តថា ក្នុងចំណោមនោះប្រទេសចិន គឺជាដៃគូវិនិយោគដ៏សំខាន់របស់កម្ពុជា ដែលជួយអោយប្រទេសកម្ពុជាមានសេដ្ឋកិច្ចរីកចម្រើន ក្នុងរយៈពេលប៉ុន្មានឆ្នាំចុងក្រោយនេះ ដែលធ្វើអោយទុនវិនិយោគចិនមានទំហំទឹកប្រាក់១៦ពាន់លានដុល្លាអាមេរិកឈរនៅលំដាប់ទី១នៅកម្ពុជា ។
សម្តេចបន្ថែមថា ក្រោមគំនិតផ្តួចផ្តើមយុទ្ធសាស្ត្រផ្លូវ១ ខ្សែក្រវ៉ាត១ភ្ជាប់និងយុទ្ធសាស្ត្ររបស់រាជរដ្ឋាភិបាល បានធ្វើឲ្យមានលំហូរចូលយ៉ាងលំហុគលើវិស័យពាណិជ្ជកម្ម ទេសចរណ៏ពីប្រទេសចិន ដែលការណ៍នេះបានបង្ហាញពីទំនាក់ ទំនងយ៉ាងជិតស្និទ្ធ នៃភាពជាដៃគូរយុទ្ធសាស្ត្រកម្ពុជា-ចិន។ សម្តេចបានបញ្ជាក់ថា រយៈពេល២-៣ឆ្នាំចុងក្រោយវិស័យអចលនទ្រព្យនៅកម្ពុជា មានការលូត លាស់ មានអគារខ្ពស់ៗ ល្បីៗលំដាប់អន្តរជាតិកំពុងសាសសង់ ដោយឡែកវិស័យទេសចរណ៏មានការលូតលាស់ នៅតំបនន់ឆ្នេរ ប្រាសាទអង្គរនិងប្រាសាទបូរាណច្រើនទៀត៕
