ដោយ វុត្ថា
ភ្នំពេញ៖ ក្រោយពីបានចុះហត្ថលេខាកាលពីម្សិលមិញរវាង លោក ពុង ខៀវសែ អគ្គនាយកក្រុមហ៊ុន OCIC និងក្រុមហ៊ុនចិនដែលដៃជាដៃគូវិនិយោគក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងលោក លី ខឺឈាង នាយករដ្ឋមន្ត្រីចិន សាងសង់ព្រលានយន្តហោះថ្មីរបស់កម្ពុជាត្រូវបានគេដឹងថានឹងសាងសង់នៅក្នុងក្រុងតាខ្មៅ និងស្រុកកណ្តាលស្ទឹង ខេត្តកណ្តាល លើផ្ទៃដីទំហំប្រមាណ ២,៦០០ហិកតា។
យោងតាមលិខិតរបស់ទីស្ដីការគណៈរដ្ឋមន្ដ្រី ផ្ញើទៅរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ លោក អូន ព័ន្ធមុនីរ័ត្ន និងលោក ម៉ៅ ហាក់វណ្ណណាល់ រដ្ឋលេខខាធិការ នៃរដ្ឋលេខាធិការដ្ឋានអាកាសចរស៊ីវិល ដើម្បីសុំគោលការបង្កើតក្រុមហ៊ុន «ខេមបូឌា អ៊ែរផត អ៉ិនវេសមិន» បានឲ្យដឹងថា ព្រលានយន្តហោះថ្មីនេះ ត្រូវចំណាយទុនវិនិយោគរហូតដល់ទៅ ១,៥០០លានដុល្លារអាមេរិក។ ដោយកក្នុងនោះទឹកប្រាក់ ១,១០០លានដុល្លារ បានមកកម្ចីពីធនាគារបរទេស និង ២៨០លានដុល្លារបានមកពីក្រុមហ៊ុន OCIC របស់ឧកញ៉ា ពុង ខៀវសែ ហើយដើមទុនចុះបញ្ជីមានរហូតដល់ ១២០លានដុល្លារអាមេរិក។ ក្នុងនោះក្រុមហ៊ុន OCIC មាន ៩០ ភារយ និងរដ្ឋលេខាធិការដ្ឋានអាកាសចរណ៍ស៊ីវិលតំណាងរាជរដ្ឋាភិបាលកម្ពុជា មាន ១០ភាករយ៕
