ដោយម៉ា ណេត
ភ្នំពេញៈ សភាពាណិជ្ជកម្មអឺរ៉ុបនៅកម្ពុជា (EuroCham) បានឱ្យថា ការដកភាពជាដៃគូពាណិជ្ជកម្ម “អ្វីៗទាំងអស់លើកលែងតែអាវុធ” (EBA) រវាងសហភាពអឺរ៉ុប និងកម្ពុជា ស្មើនឹងទណ្ឌកម្មដែលនឹងបង្កអន្តរាយ ដល់ការវិនិយោគអឺរ៉ុបសហគមន៍ ធុរកិច្ចអឺរ៉ុប គំនិតផ្តួចផ្តើមអភិវឌ្ឍន៍អឺរ៉ុប និងជីវភាពរបស់ប្រជាពលរដ្ឋកម្ពុជា។
ការរៀបចំ EBA អនុញ្ញាតឱ្យសមាជិកសហភាពអឺរ៉ុប នាំចូលផលិតផលពីកម្ពុជា (ក្រៅពីគ្រឿងសស្ត្រាវុធ) ដោយមិនគិតពន្ធនិងកូតា។សហភាពអឺរ៉ុបបានព្រមានថា គ្រោងការណ៍នេះនឹងត្រូវលុបចោលវិញ លុះត្រាតែរដ្ឋាភិបាលកម្ពុជាធ្វើកំណែទម្រង់សិទ្ធិមនុស្ស និងសិទ្ធិការងារ។
-->
យោងតាមសេចក្តីប្រកាស EuroCham ចេញផ្សាយកាលពីម្សិលមិញបានឱ្យដឹងថា ពាក់ព័ន្ធនឹងការគាំទ្រផ្នែកហិរញ្ញវត្ថុរបស់សហគមន៍អឺរ៉ុប និងសមាជិកភាពដែលបានពង្រីករបស់យើង EuroCham បានរីកចម្រើន ក្លាយជាសមាគមធុរកិច្ចលេចធ្លោ និងគួរឱ្យគោរពបំផុតនៅកម្ពុជា។ យើងធ្វើការយ៉ាងសកម្មជាមួយរដ្ឋាភិបាលកម្ពុជា ក្នុងការពង្រឹងក្របខ័ណ្ឌច្បាប់ និងបទបញ្ញត្តិរបស់ប្រទេសជាតិ ខណៈយើងខិតខំលើកកម្ពស់ផលប្រយោជន៍ពាណិជ្ជកម្មនៃអាជីវកម្មអឺរ៉ុប។
សេចក្តីប្រកាសនេះបានសង្កត់ធ្ងន់ថា “ការដក EBA នឹងធ្វើឱ្យអន្តរាយដល់កិច្ចខិតខំប្រឹងប្រែងរបស់យើង និងសមាជិករបស់យើង”។
នៅកម្ពុជាសហគមន៍អឺរ៉ុប និងធុរកិច្ចអឺរ៉ុបបានទទួលការគោរពយ៉ាងខ្លាំងចំពោះការនាំមុខក្នុងការការពារសិទ្ធិមនុស្ស និងសិទ្ធិការងារ ការទទួលបានឱកាសស្មើគ្នា និងអាទិភាពដទៃទៀតដែលជាស្នូលនៃតម្លៃអឺរ៉ុប។ នៅក្នុងតំបន់នេះផងដែរ ការរីកចម្រើនដ៏អស្ចារ្យត្រូវបានបង្កើតឡើង។ ការធ្វើសកម្មភាពទាំងការបង្ខិតបង្ខំ អាចមិនទទួលបានការផ្លាស់ប្តូរដែលចង់បានទេ។ វាត្រូវបានបង្ហាញថា កម្ពុជាទំនងជានឹងទទួលបានការគាំទ្រពីប្រទេសមានអំណាចនៅពេលមានការប្រកួតប្រជែង។
សហគមន៍អឺរ៉ុបនឹងជំរុញឥទ្ធិពល និងកេរ្តិ៍ឈ្មោះរបស់ខ្លួនបន្ថែមទៀតនៅកម្ពុជា និងនៅក្នុងតំបន់អាស៊ីអាគ្នេយ៍ ដែលកិច្ចព្រមព្រៀងនឹងការពារ EBA។ កិច្ចព្រមព្រៀងបែបនេះ ត្រូវតែទទួលស្គាល់លក្ខណៈពិសេស នៃវិស័យនយោបាយនៅកម្ពុជា វាត្រូវតែដាក់ជីវិតរបស់បុរស និងស្ត្រីជាអាទិភាព ហើយវាត្រូវតែគិតគូរពីការវិនិយោគរបស់អាជីវកម្មអឺរ៉ុប និងការងាររាប់មិនអស់ដែលទៅដល់ពួកគេ។
Eurocham ឱ្យដឹងទៀតថា ក្នុងរយៈពេលប្រហែល២០ឆ្នាំ EBA គឺជាឧបករណ៍សម្រាប់ការផ្លាស់ប្តូររួចទៅហើយ។ ឥឡូវនេះមិនមែនជាពេលវេលា ដើម្បីបោះបង់ចោលទេ។ EuroCham និងសមាជិករបស់ខ្លួនបានប្រឈមមុខនឹងឧបសគ្គជាច្រើន ហើយមានរឿងជាច្រើនទៀតដែលត្រូវកើតឡើង។
សេចក្តីប្រកាសរបស់សភាពាណិជ្ជកម្មអឺរ៉ុបប្រចាំកម្ពុជាបានបញ្ជាក់់ថា “ចូរយើងដោះស្រាយវាជាមួយគ្នា ដើម្បីសន្តិភាព និងវិបុលភាពសម្រាប់ទាំងអស់គ្នា”៕
