ដោយ Donald Lee
ហុងកុងៈ ក្រុមប៉ាតុករហុងកុងបានវាយកម្ទេច និងដុតបំផ្លាញអាជីវកម្មរបស់ចិនដីគោកកាលពីថ្ងៃពុធ ដើម្បីឆ្លើតបទៅនឹងការសងសឹក ចំពោះការបាញ់សម្លាប់និស្សិតហុងកុងមា្នក់កាលពីថ្ងៃទី១ ខែតុលាកន្លងមកនេះ។
ប្រព័ន្ធផ្សព្វផ្សាយហុងកុងបានរាយការណ៍ថា ការបំផ្លិចបំផ្លាញរបស់អាជីវកម្មរបស់ចិនដីគោក បានចាប់ផ្តើមនៅពេលរាត្រី ហើយក្រុមអ្នកតវ៉ាបានបើកទ្វារស្ថានីយ៍រថភ្លើងពាសពេញទីក្រុង និងបានបាញ់ថ្នាំ និងគូរនៅតាមជញ្ជាំង និងបំផ្លាញទីធ្លាជុំវិញនោះ។
-->
ក្រុមបាតុករមួយចំនួនទៀត ក៏បានវាយកម្ទេចម៉ាស៊ីនដកសាច់ប្រាក់ ATM របស់ធនាគារចិន និងហាងលក់ទូរស័ព្ទយីហោChina Mobile នៅក្នុងសង្កាត់ Tsuen Wan។
ក្រុមបាតុករជាច្រើននាក់ បាននាំគ្នាឡោមព័ទ្ធ និងជះស្រះក្រឡុក molotov ទៅលើប៉ូលីសនៅឯទីស្នាក់ការប៉ូលីស New Territories South នៅតំបន់ Tai Wo Hau ដែលមានកម្លាំងសន្តិសុខលជាច្រើនដោយបង្ខំឱ្យជម្លៀសចេញ។
យោងតាមមន្រ្តីមន្ទីរពេទ្យ Queen Elizabeth បានឲ្យដឹងថា និស្សិតអាយុ១៨ឆ្នាំដែលត្រូវបានបាញ់សម្លាប់ ដោយប៉ូលីសនៅថ្ងៃទី១ ខែតុលានោះ គឺស្ថិតនៅក្នុងសភាពមានស្ថេរភាពល្អ៕
