Jc Airline ភ្ជាប់ការហោះហើរត្រង់ពីកម្ពុជាទៅសឹង្ហបុរី

0

ដោយ ដួង ចន្រ្ទា

ភ្នំពេញ៖ ក្រុមហ៊ុន Jc Cambodia International Airline បានធ្វើការហោះហើរត្រង់ពីកម្ពុជា ទៅកាន់ប្រទេសសឹង្ហបុរី ខណៈប្រទេសកំពុងទាក់ទាញដល់ភ្ញៀវទេសចរណ៍ និងជាប្រទេសកំពុងមានការអភិវឌ្ឍន៍រីកចម្រើន។

នាយកគ្រប់គ្រងក្រុមហ៊ុន JC Cambodia International Airline លោកចាវ ហ្វីបានថ្លែងលើកឡើងនៅក្នុងពិធី សម្ពោធដាក់ឲ្យដំណើរកាជើងហោះហើរថ្មី ពីកម្ពុជា ទៅប្រទេសសឹង្ហបុរីនៅព្រលានអន្តរជាតិភ្នំពេញនាព្រឹកថ្ងៃទី២៣ មករានេះថា កន្លងមកក្រុមហ៊ុនជេស៊ី មានជើងហោះហើរទៅកាន់ប្រទេសចិនជាច្រើន ដូចជាការហោះហើរទៅកាន់ ឆុងឈីង ហ៊ុយអាន តៃប៉ិ ហុងកុង។ ចំណែកការបើកសម្ពោធជើងហោះហើរថ្មីមួយនេះ គឺហោះហើរត្រង់ពីកម្ពុជាទៅប្រទេសសឹង្ហបុរី។

ក្រុមហ៊ុនJC Airline គ្រោងពង្រីកជើងហោះហើរទៅកាន់ ហាន់ចូវ ស៊ីអាន និងទៅកាន់ហុងកុងបន្ថែមទៀតផងដែរនាពេលខាងមុខនេះ។

លោកបន្តថា “ការពង្រីកជើងហោះហើរបន្ថែមទៀតនោះ ព្រោះបច្ចុប្បន្នប្រទេសកម្ពុជាជា ប្រទេសមួយមានការអភិវឌ្ឍន៍រីកចម្រើនយ៉ាងខ្លាំង និងមានភ្ញៀ​វទេសចរណ៍ចេញចូលជាច្រើន”។លោកបន្តថា “ការពង្រីកសេវាហោះ​ហើរថ្មីមួយនេះ គឺជាការចូលរួមចំណែកក្នុងការទាក់ទាញបន្ថែម ទំាងអ្នកវិនិយោគ និងភ្ញៀវទេសចរណ៍អន្តរជាតិ និងជាការជួយសម្រួលដល់ធុរៈកិច្ចផ្សេងៗ ឲ្យបានទាន់ពេ​លវេលាផងដែរ”។

លោកលី យានប្រធានប្រតិបត្តិការហោះហើរ និងជាប្រធានអា​កាសយានិក នៃក្រុមហ៊ុនJc Airline  បានថ្លែងលើកឡើងថា អាកាសចរ Jc Airline  គឺជាអាកា​សចរក្នុងស្រុក ដែលមានគោលដៅជាចម្បង គឺការខិតខំប្រឹងប្រែងដើ​ម្បីជ្រើសរើសយកអាកាសយានិកកម្ពុជា មកបំរើការងារបន្ទាប់ពីក្រុមអាកាសយានិកមួយចំនួនបានបញ្ចប់ការសិក្សារួចរាល់។

លោកបន្តថា “ការផ្តល់ឳកាសការងារដល់ពួកគេ ដើម្បីឲ្យពួកគេបានចូលរួមអភិវឌ្ឍន៍ផ្នែកអាកាសចរនៅក្នុងស្រុក ជាពិសេពង្រឹងផ្នែកធនធានមនុស្សនៅកម្ពុជាឲ្យបានជាអតិបរិមាផងដែរ”៕

LEAVE A REPLY

Please enter your comment!
Please enter your name here