អស្ចារ្យ! ក្រុមហ៊ុនយក្សចិនគ្រោងវិនិយោគ ១០០ប៊ីលានដុល្លារបង្កើតតំបន់សេដ្ឋកិច្ចពិសេសនៅខេត្តព្រះសីហនុ

0

ដោយ គង់ សូរិយា

ភ្នំពេញ៖ ក្រុមហ៊ុនយក្សមួយរបស់ប្រទេសចិន គ្រោងបោះទុនវិនិយោគ១០០ប៊ីលានដុល្លារអាមេរិក ដើម្បីសាងសង់​កំពស់ផែ មជ្ឈមណ្ឌលពាណិជ្ជកម្ម និងតំបន់សេដ្ឋកិច្ចពិសេសក្នុងស្រុកស្ទឹងហាវ ខេត្តព្រះសីហនុ។

ក្រុមហ៊ុន Asia Pacific Finance Free Trade Zone Development Co,Ltd មកពីប្រទេស​ចិនជាអ្នក​បង្កើតនូវគំរោងដ៏អស្ចារ្យនេះ ដែលស្ថិតនៅលើផ្ទៃដី៣០០០ហិចតា។

លោក ជីន ឡុង ប្រធានអគ្គនាយកក្រុមហ៊ុន Asia Pacific Finance Free Trade Zone Development Co,Ltd មកពីប្រទេស​ចិន បានបញ្ជាក់កាលពីថ្ងៃទី១៥ខែកុម្ភៈកន្លងមកថា កាលពីឆ្នាំ២០១៧​​ក្រុមហ៊ុន នេះត្រូវបានចុះបញ្ជីជា​ផ្លូវ​ការ​​ដោយ​រាជរដ្ឋាភិបាល។ ​លោកបានបន្តថា “ការសម្រេចមកវិនិយោគបង្កើតតំបន់សេដ្ឋកិច្ចពិសេស កំពង់ផែ និងមជ្ឈ​មណ្ឌលពាណិជ្ជកម្មអន្តរជាតិនេះ ដោយ​សារមានការផ្តួចផ្តើម​របស់​ប្រធានា​ធិបតី ស៊ី ជិនពីង។

លោកបញ្ជាក់ថា ការជ្រើសយកស្រុកស្ទឹងហាវដើម្បីវិនិយោគនេះ ព្រោះតំបន់នោះមានឆ្នេរខ្សាច់ និងកំពង់ផែ​​ដែល​​ងាយ​ស្រួល​​ក្នុងការដឹកជញ្ជូន និងផលិតផងដែរ។

លោកបន្តថា គំរោងដ៏ធំនេះ នឹងផ្តល់ផលប្រយោជន៍ដល់កម្ពុជា ដែលនឹងជួយជំរុញកំណើនសេដ្ឋកិច្ច ក៏​ដូច​ជា​​ឱកាសការងារជូនប្រជាពលរដ្ឋខ្មែរផងដែរ។

បច្ចុប្បន្នខេត្តព្រះសីហនុបានក្លាយជាខេត្តមួយ ដែលបាននិងកំពុងទាក់ទាញអ្នកវិនិយោគចិនជាច្រើន ចូលទៅវិនិ​យោគនៅទីនោះ ដោយសារខេត្តនេះស្ថិតក្នុងគំរោងខ្សែក្រវ៉ាត់មួយ ផ្លូវមួយរបស់ចិន ក៏ដូចជា ស្របតាមផែនការរបស់រដ្ឋាភិ​បាល ដែលបានដាក់ខេត្តនេះទាំងមូលជាតំបន់ឧស្សាហកម្ម នៅក្នុងគោលនយោបាយអភិវឌ្ឍន៍វិស័យឧស្សាហកម្មរបស់​រដ្ឋាភិបាល ដែលបានប្រកាសដាក់ឲ្យប្រើប្រាស់ ដោយសម្តេចតេជោហ៊ុន សែននាយករដ្ឋមន្រ្តីកាលពីខែតុលា ឆ្នាំ២០១៥។

លោកបណ្ឌិតហុង វណ្ណៈអ្នកស្រាវជ្រាវសេដ្ឋកិច្ចនៃរាជបណ្ឌិតសភាកម្ពុជាបានថ្លែងថា កំនើននៃការវិនិយោគរបស់​ចិន​នៅកម្ពុជា ដោយសារទំនាក់ទំនងល្អ​រវាងរដ្ឋាភិបាលប្រទេសទាំងពីរ ដែលបានដាក់ចេញនូវយុទ្ឋសាស្រ្តគ្រប់ជ្រុងជ្រោ​យ ស្របពេលចិនក៏ចង់ពង្រីកផលប្រយោជន៍សេដ្ឋកិច្ចក្នុងតំបន់អាស៊ាន ហើយចិនអាចឈរជើង និងអាចយកកម្ពុជាជាចំ​ណ​ត​មួយ ទាំងក្នុងទិដ្ឋភាពនយោបាយ សេដ្ឋកិច្ច និងភូមិសាស្រ្តនយោបាយ ហើយពេលចិនមិនអាចឈ​រជើងជាមួយ​វៀត​ណាម ថៃ មីយ៉ាន់ម៉ា ដោយសារប្រទេសទាំងនោះជាកូនក្រមុំ ក៏ដូចជាបានងាកទៅរកអាមេរិក។

លោកបន្តថា “ពីមុនមកចិនបានចាប់ដៃជាមួយមីយ៉ាន់ម៉ា ប៉ុន្តែពេលនេះមីយ៉ាន់ម៉ាបានងាកទៅអាមេរិក ដូច្នេះមាន​តែ​កម្ពុជាទេ ដែលចិនអាចឈរជើងបាន​”។លោកបន្តថា “ប្រវត្តិសាស្រ្តកម្ពុជា និងចិនក៏មានភាពយូរអង្វែង ស្របពេលចិន​បានដាក់ចេញគោលនយោបាយផ្លូវសូត្រ និងចិនមានប្រជាជនច្រើ​ន លុយច្រើន គាត់ក៏បង្ហូរមកកាន់អាស៊ី និងអាហ្រ្វិក ដើម្បីផ្តល់ការងារនិងផលប្រយោជន៍សេដ្ឋ​កិច្ចដល់គាត់”។

លោកបណ្ឌិតហុង វណ្ណៈបានបន្តថា ស្របពេលកំលាំងធនធានរបស់កម្ពុជាមានកម្រិត ហេតុនេះយើ​ងត្រូវទទួល​ជំនួយរបស់គេ ដើម្បីយកមកអភិវឌ្ឍន៍ប្រទេ​ស តែបើគិតអវិជ្ជមានជារឿងផ្សេងតែបើគិតពីវិជ្ជមាន គឺយើងមានតម្រូវការ​ធន​​ធាន និងការវិនិយោគ ដើម្បីយកមកកសាងប្រទេស។ លោកបន្តថា បើនិយា​យពីចិន វិនិយោគនៅខេត្តព្រះសីហនុវិញ គឺចិនចូលចិត្តតំបន់សមុទ្រ តំបន់សមុទ្រជាគោលដៅរបស់ពួកគេ និងជាតំបន់ដែលមានសក្តានុពលសេដ្ឋកិច្ច៕

LEAVE A REPLY

Please enter your comment!
Please enter your name here