ជប៉ុននឹងនឹងធ្វើឲ្យតំបន់ត្រីកោណកម្ពុជា-ឡាវ-វៀតណាមកំរើកឡើង

លោកប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្មថ្លែងថា កិច្ចព្រមព្រៀងនេះ នឹងផ្តល់អត្ថប្រយោជន៍ជាច្រើនដល់កម្ពុជា ដូចជា ទី១ បង្កើនសកម្មភាពជំរុញពាណិជ្ជកម្ម ទី២បង្កើតបរិយាសធុរកិច្ចល្អប្រសើរ  ទី៣ សម្រួលបំលាស់ទីរបស់ប្រជាជន យានយន្ត និងទំនិញនៃប្រទេសទាំងបីក្នុងតំបន់ត្រីកោណ ទី៤ បង្កើន​ លក្ខ​ខណ្ឌអនុគ្រោះដើម្បីសម្រួលដល់លំហូរពាណិជ្ជកម្ម និងវិនិយោគ។

លោកបន្តថា “កិច្ចព្រមព្រៀងនេះគឺជាសមិទ្ធផល នៃកិច្ចខិតខំប្រឹងប្រែងរបស់រាជរដ្ឋាភិបាល សំដៅឆ្ពោះទៅរកការអភិវឌ្ឍ ក្នុងតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម ប្រកបដោយនិរន្តភាព និងគ្រប់វិស័យ កាត់បន្ថយភាពក្រីក្រ និងគម្លាតផ្នែកសេដ្ឋកិច្ច សង្គម និងធ្វើឲ្យជីវភាពរស់នៅរបស់ប្រជាជននៅក្នុងតំបន់ត្រីកោណអភិវឌ្ឍន៍ប្រសើរឡើង”។ លោកបន្តថា កិច្ចព្រមព្រៀងនេះក៏ផ្តល់ កិច្ចសហប្រតិបត្តិការទូលំទូលាយ ក្នុងចំណោមប្រទេសទាំងបី ដែលត្រូវបង្កើតឡើងដោយផ្អែក លើចំណងមិត្តភាពជាប្រពៃណី សាមគ្គីភាព ដែលមានផលប្រ​យោ​ជន៍ទៅវិញទៅមក និងភាពជាអ្នកជិតខាងល្អ”។

សេចក្តីព្រាងច្បាប់នេះត្រូវបានព្រឹទ្ធសភាកម្ពុជា ធ្វើការអនុម័តយល់ព្រមដោយឥតកែប្រែ និងចាត់ទុកជាការប្រញាប់ក្នុងសម្លេងគាំទ្រចំនួន៤៥ សម្លេង នៃចំនួនសមាជិកព្រឹទ្ធសភាទាំងមូល៕