IMF សេដ្ឋកិច្ចកម្ពុជានឹងសម្រេចកំណើន ៧ភាគរយនៅឆ្នាំនេះ

0

ដោយ ដែន ចែងចាំង

ភ្នំពេញ: មូលនិធិរូបិយប័ណ្ណអន្តរជាតិហៅកាត់ IMF បានព្យាករណ៍ថា សេដ្ឋកិច្ចប្រទេសកម្ពុជាថា នឹងសម្រេចបានកំណើនសេដ្ឋកិច្ច ក្នុងរង្វង់ប្រមាណ៧ភាគរយនៅឆ្នាំ២០១៨នេះ ដោយសារកំលាំងចលករជម្រុញកំនើនសេដ្ឋកិច្ចកម្ពុជានៅតែមានភាពរ៉ឹងមាំ។

តាមសចក្ដីប្រកាសព័ត៌មានរបស់មូលនិធិរូបិយបណ័ណ្ណអន្តរជាតិ ដែលបា​នធ្វើឡើងបន្ទាប់ពីក្រុមមូលនិធិរូបិយប័ណ្ណអន្តរជាតិ ដឹកនាំដោយលោក Jarkko Turunen ដែលបានមកបំពេញទស្សនកិច្ចនៅទីក្រុងភ្នំពេញ ចាប់ពីថ្ងៃទី១២ដល់ថ្ងៃទី ១៦ខែមីនាកន្លងទៅនេះថា សេដ្ឋកិច្ចកម្ពុជានឹងបន្តកើនឡើង ក្នុងរង្វង់៧ភាគរយ ក្នុងឆ្នាំ២០១៨នេះ ដោយសារតែការចំណាយសាធារណៈមានការកើនឡើង ភាពរឹងមាំនៃវិស័យសំ​ណង់ និងសកម្មភាពទេចរណ៍នៅកម្ពុជា ខណៈពេលដែលអតិផរណាធ្លាក់ចុះមក ២.០ភាគរយក្នុងខែមករាឆ្នាំ២០១៨។ ក្នុងនោះឱនភាពគណនីចរន្តត្រូវបានប៉ាន់ប្រមាណថា នៅតែមានស្ថិរភាពក្នុងរង្វង់៨,៤នៃផលទុនជាតិសរុប (GDP)នៅក្នុងឆ្នាំ២០១៧ ហើយទុនបំរុងបរទេសបានបន្តកើនឡើងដល់៨,៩​ពាន់លានដុល្លារអាមេរិក គិតត្រឹមខែមករាឆ្នាំ២០១៨។

សេចក្តីប្រកាសដដែលបានបន្តថា “សេដ្ឋកិច្ចកម្ពុជានៅតែមានទស្សនវិស័វិជ្ជមានចំពោះសេដ្ឋកិច្ចកម្ពុជា ប៉ុន្តែវាអាចប្រឈ​មនឹងហានិភ័យខ្លះ រួមមាន ហានិភ័យលើម៉ាក្រូហិរញ្ញវត្ថុ និងហានិភ័យដែលមានឥទ្ឋិពលពីប្រភពពីខាងក្រៅ”។

របាយការណ៍របស់IMF បានរកឃើញផងដែរថា កំណើនឥណទានរបស់ធនាគារបានកើនឡើងដល់១៧,២ភាគរយ នៅខែមករាឆ្នាំ២០១៨ ហើយក្នុងនោះកំណើនឥណទាន ចំពោះសកម្មភាពទាក់ទងនឹងវិស័យអចលនទ្រព្យ និងសំណ​ង់នៅតែបន្តកើនឡើងក្នុងល្បឿនលឿន ជាងឥណទានលើវិស័យដទៃទៀត៕

LEAVE A REPLY

Please enter your comment!
Please enter your name here