ដោយ ហ្សូលី
ភ្នំពេញ៖ ទោះបីជាកម្ពុជាហាក់បីដូចជាមានភាពស្ងប់ស្ងាត់ច្រើននូវករណីនៃជំងឺ Covid-19 ប៉ុន្តែស្ថានភាពសេដ្ឋកិច្ចពិភពលោកមិនទាន់មានភាពល្អប្រសើរ១០០ភាគរយនៅឡើយទេ។ ហេតុនេះហើយ អចលនទ្រព្យនៅក្នុងប្រទេសកម្ពុជាក៏មិនទាន់វិលមករកសភាពដើមទាំងស្រុងដែរ តែនេះជាឱកាសវិនិយោគទទួលបានផលចំណេញខ្ពស់មួយដែលអ្នកជំនាញនឹងរៀបរាប់ពីមូលហេតុដែលគួរទិញអចលនវត្ថុចាប់ពីពេលនេះទៅ។
អ្នកជំនាញអចលនទ្រព្យ និងជានាយិកាក្រុមហ៊ុន Amaktak Property Service លោកស្រី តាំង ហ៊ួរ ធ្លាប់បានមានប្រសាសន៍មកកាន់គេហទំព័រ Property Area Asia ថា មិនថាបុរីលំនៅដ្ឋាន លំនៅដ្ឋាន នៅតំបន់ណានោះទេ ជាយក្រុងក៏ដោយ ក្នុងក្រុងក៏ដោយ សុទ្ធសឹងតែជាឱកាសទាំងអស់។ អ្វីដែលសំខាន់ឱ្យតែគម្រោងនោះមានភាពច្បាស់លាស់ មានក្រុមហ៊ុនអភិវឌ្ឍត្រឹមត្រូវ មានការទទួលស្គាល់ពីអាជ្ញាធរ ជាពិសេសលក់ក្នុងតម្លៃល្អ អ្នកវិនិយោគឬអ្នកចង់ជាវអចលនវត្ថុគួរតែចាប់យកឱកាសនេះ។
-->
ទន្ទឹមនេះ នាយិការរូបនេះសង្កត់ធ្ងន់ថា បច្ចុប្បន្ននេះស្ថានភាព Covid-19 មានភាពប្រសើរក៏ពិតមែន ប៉ុន្តែវិស័យអចលនទ្រព្យមិនទាន់វិលរកសភាពនៅឡើយទេ ដូចនេះមានគម្រោងជាច្រើនដែលកំពុងធ្វើការបញ្ចុះតម្លៃទាបជាងទីផ្សារច្រើន។ មិនតែប៉ុណ្ណោះ លក្ខខណ្ឌបង់ប្រាក់ក៏មានភាពងាយស្រួលផងដែរ ដោយសារក្រុមហ៊ុនយល់ចិត្តអតិថិជនដោយសម្រាលនូវការប្រាក់ និងរយៈពេលបង់ប្រាក់ផងដែរ។
យោងតាមការសិក្សារបស់អ្នកជំនាញអចលនទ្រព្យហ្វីលីពីន លោកស្រី Amanda Carpo បានឱ្យដឹងថា ខណៈ ការរីករាលដាលនៃជំងឺ Covid-19 បង្កឱ្យមានបញ្ហាយ៉ាងខ្លាំនៅក្នុងទីផ្សារហិរញ្ញវត្ថុជាសកល វិស័យអចលនទ្រព្យ អាចជាជម្រើសដ៏ល្អសម្រាប់វិនិយោគិនដែលស្វែងរកផលចំណេញ និងរួចផុតពីហានិភ័យនាពេលខាងមុខ។
លោកស្រីបានបន្តថា អចលនទ្រព្យផ្តល់ភាពងាយស្រួលដល់ម្ចាស់កម្មសិទ្ធិលើវិធីរកប្រាក់ចំណូល វាមិនត្រឹមតែ ទិញឬលក់ប៉ុណ្ណោះទេ។ វិនិយោគិនអាចកែលំអឬជួសជុលសម្រាប់ជួល ឬក្នុងជម្រើសផ្សងទៀតជាច្រើន។
ជាមួយគ្នានេះ ប្រទេសកម្ពុជាត្រៀមរៀបចំព្រឹត្តការណ៍ Black Friday Property Sale ដែលជាកម្មវិធីលក់បញ្ចុះតម្លៃអចលនទ្រព្យខ្នាតធំជាងគេ និងមានអចលនទ្រព្យជាច្រើនលក់តម្លៃជាងទីផ្សារ។ ជាពិសេសមានការចូលរួមសហការពីគម្រោងអភិវឌ្ឍអចលនទ្រព្យល្បីៗដូចជា Urban Village បុរីVIP និងThe ParkWayជាដើម ជាមួយ RealEstate.com.kh ដើម្បីផ្តល់ជូននូវអចលនទ្រព្យមានគុណភាពនិងតម្លៃសែនពិសេស។ ព្រឹត្តការណ៍នេះនឹងប្រព្រឹត្តឡើងនៅថ្ងៃ ទី ១២ ខែ មិថុនា ឆ្នាំ ២០២០ ខាងមុខនេះ ចាប់ពីវេលាម៉ោង ៤ រសៀល ដល់ម៉ោង ៨ យប់។ ត្រឹមរយៈពេល ៤ម៉ោងប៉ុណ្ណោះ ដែលលោកអ្នកអាចនឹងទទួលបានផលចំណេញយ៉ាងច្រើនដែលមិនធ្លាប់មាន និងមិនងាយទទួលបានឱកាសនេះនោះឡើយ។ ដើម្បីចូលរួមសូមចុះឈ្មោះតាមតំណនេះ https://propertysale.realestate.com.kh/property-area៕
