ដោយ ប៊ី
ភ្នំពេញៈ ថ្ងៃនេះគេទំព័រ Propertyarea.asia នឹងនាំអារម្មណ៍របស់អស់លោក អ្នកទៅដឹងពីតម្លៃអគារ ដែលត្រូវបានចំណាយប្រាក់ សាងសង់អស់តម្លៃថ្លៃជាងគេបំផុតលើពិភពលោក។
អគារឈ្មោះ Abraj Al-Bait គឺជាអាគារដែលថ្លៃជាងគេបំផុតនៅលើពិភពលោក ដែលមានទីតាំងនៅទីក្រុង Mecca អារ៉ាប៊ីសាអូឌីត។ ការចំណាយសរុបនៃការសាងសង់អគារនេះ ត្រូវបានគេប៉ាន់ស្មានថាចំណាយប្រាក់១៥ពាន់លានដុល្លារ។
អគារត្រូវបានសាងសង់ជាផ្នែកមួយ នៃគម្រោងមួយដែលមានឈ្មោះថា King Abdulaziz Endowment Project ដែលមានគោលបំណងធ្វើទំនើបកម្មទីក្រុង Mecca និងផ្តល់នូវកន្លែងល្អប្រសើរ ដល់អ្នកធ្វើធម្មយាត្រាមូស្លីមរាប់ពាន់នាក់ ដែលបានមកដល់កន្លែងនោះជារៀងរាល់ឆ្នាំ។
អគារកណ្តាលនៃបរិវេញអគារនេះ ដែឡត្រូវបានហៅថា Makkah Royal Clock Tower គឺជាសណ្ឋាគារ Fairmont Hotel ជាអគារខ្ពស់បំផុតលំដាប់ទីបួន នៅលើពិភពលោក។ វាក៏មានមុខនាឡិកាធំបំផុតនៅលើពិភពលោកផងដែរ ហើយវាក៏ជានាឡិកាខ្ពស់បំផុតដែលមានកម្ពស់១,៣០០ ហ្វីតពីលើដីផងដែរ។
បរិវេណអគារទាំងមូល មានទីតាំងនៅតែពីរបីម៉ែត្រ ពីកន្លែងសក្ការៈបូជារបស់អ៊ីស្លាម Masjid al-Haram។ បរិវេណអគារទាំងមូលត្រូវបានអភិវឌ្ឍដោយក្រុមហ៊ុន Saudi Binladin Group ៕
