ដោយវុត្ថា
ព្រះសីហនុៈ ផ្សារទំនើបPrince Mallលំដាប់អន្តរជាតិដ៏ធំបំផុត ស្ថិតនៅតាមបណ្តោយផ្លូវ២ធ្នូ ភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ ដែលបានកំពុងសាងសង់ជិតរួចរាល់ នឹងដាក់អោយដំណើររការគម្រោងទី១ នៅក្នុងខែតុលា ឆ្នាំ២០២០ នាពេលដ៏ខ្លីខាងមុខនេះ។
នេះបើយោងតាមលទ្ធផល ក្នុងដំណើរចុះពិនិត្យវឌ្ឍនភាពនៃការសាសង់ផ្សារទំនើប Prince Mall របស់ លោក គួច ចំរើន អភិបាលខេត្តព្រះសីហនុ កាលពីថ្ងៃទី ១១ ខែមិថុនា ឆ្នាំ ២០២០ ម្សិលមិញនេះ។
លោកគួច ចំរើន អភិបាលខេត្តព្រះសីហនុបានគាំទ្រ និងលើកទឹកចិត្តដល់សកម្មភាពវិនិយោគ សំណង់ផ្សារទំនើបមួយនេះ បានចំណាយពេលសាងសង់រយះពេល៤ឆ្នាំ លើផ្ទៃដី២២,០០០ម៉ែត្រការ៉េ រួមបញ្ចូលទាំងអគារខុនដូ សណ្ឋាគារផងដែរ ដែលវិនិយោគដោយ ក្រុមហ៊ុន Prince Huan Yu Real Estate Group Co., Ltd។
អ្នកចាត់ការទូទៅរបស់ផ្សារទំនើប Prince Mall បានឱ្យដឹងថា ស្តង់ ហាងប្រមាណ ៧០០កន្លែង ត្រូវបានអាជីវករជាវសម្រាប់ដំណើរការអាជីវកម្ម មានដូចជា: ធនាគារ មជ្ឈមណ្ឌលពាណិជ្ជកម្ម កាហ្វេស្តាបាក់ កាហ្វេអាម៉ាស្សូន ភេសជ្ជខយ រោងភាពយន្តទំនើប សំលៀកសំភារកីឡាម៉ាកអាឌីដាស សំលៀកបំពាក់ម៉ាកភេដដ្រូ ។ ល។ លើគម្រោងជាច្រើនទៀតដែលនឹងត្រូវបញ្ចប់នាឆ្នាំ២០២២ ខាងមុខ៕