ដោយ ៖ គង់ សូរិយា
ភ្នំពេញ ៖ ជាការអបអរសាទរ ក៏ដូចជាបំពេញដល់តម្រូវការទីផ្សារបន្ថែមចំពោះអតិថិជន គម្រោង អ័រគីដេ ដឹពោធិ៍ចិនតុង ក្រុមហ៊ុនអភិវឌ្ឍន៍គម្រោងនេះបានផ្តល់កាដូពិសេសតាមរយៈការឈ្នះខុនដូអ័រគីដេ ដឹរ៉ូយ៉ាល់ខុនដូមីនីម និងរង្វាន់ផ្សេងៗទៀតយ៉ាងច្រើន។ ការផ្តល់រង្វាន់ពិសេសទាំងនេះ នឹងចាប់ផ្តើមធ្វើចាប់ពីថ្ងៃសុក្រ ថ្ងៃសៅរ៍ និងថ្ងៃអាទិត្យចុងសប្តាហ៍នេះ។
គម្រោងថ្មី អ័រគីដេ ដឹពោធិ៍ចិនតុង ដែលបានបើកលក់កាលពីព្រឹកថ្ងៃទី៨ ខែមិថុនា ឆ្នាំ២០២០ មានអតិថិជនយ៉ាងច្រើនកុះករបានចូលរួម ព្រមទាំងធ្វើការទិញ និងកក់ភ្លាមៗ ដែលត្រឹមតែថ្ងៃដំបូងនៃការបើកលក់ជាផ្លូវការ គម្រោងនេះលក់អស់ក្នុងដំណាក់កាលទី១ ហើយបានបន្តបើកលក់ដំណាក់កាលទី២ជាបន្តបន្ទាប់។
-->
យោងតាមសេចក្តីប្រកាសព័ត៌មានរបស់ក្រុមហ៊ុន Orkidé Development ដែលជាក្រុមហ៊ុនអភិវឌ្ឍន៍លំនៅឋាន និងខុនដូ ប្រណីតមួយនៅកម្ពុជា បានឱ្យដឹងនាព្រឹកថ្ងៃទី១២ ខែមិថុនា ឆ្នាំ២០២០នេះថា ឆ្លៀតក្នុងឱកាសបើកលក់ដំណាកាលបន្ទាប់នេះ ក្រុមហ៊ុនបានរៀបចំការចាប់រង្វាន់លើកទឹកចិត្ត ជាមួយការឈ្នះរង្វាន់ជាខុនដូអ័រគីដេ១យូនីត ពីខុនដូអ័រគីដេ ដឹរ៉ូយ៉ាល់ខុនដូមីនីម ដ៏ពិសេសអស្ចារ្យ រួមទាំងរង្វាន់ផ្សេងៗដូចជាទូរទស្សន៍ និងទូរទឹកកកជាច្រើនរង្វាន់ផងដែរ។
ការផ្តល់ជូនយ៉ាងសន្ធឹកសន្ធាប់នេះ ត្រូវបានអនុវត្តចាប់ផ្តើមពីថ្ងៃនេះ រហូតដល់ត្រឹមវេលាម៉ោង៤ល្ងាច ថ្ងៃអាទិត្យ ទី១៤ ខែមិថុនា ឆ្នាំ២០២០ ដោយការចាប់រង្វាន់នឹងប្រារព្ធនៅទីតាំងគម្រោងអ័រគីដេ ដឹពោធិ៍ចិនតុង ផ្ទាល់តែម្ដង ដោយមានការអញ្ជើញចូលរួមពីក្រុមតន្ត្រីរបស់លោក ទិត្យា ដែលជាអ្នកចម្រៀងល្បីម្ចាស់បទ ផ្សារកាប់គោនៅពោធិ៍ចិនតុង អមដោយពិធីករដ៏ស្រស់សង្ហារ និងមានវោហាសព្ទខ្ពស់ គឺ លោក រ៉ាស៊ី ក្នុងកម្មវិធីចាប់ឆ្នោតនេះ។
កម្មវិធីដ៏អធិកអធមនេះ នឹងប្រព្រឹត្តទៅនៅទីតាំងគម្រោង តាមបណ្តោយផ្លូវ105K (ផ្លូវវត្តតាំងកសាង) សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ (ច្រកចូលតាមផ្លូវរថភ្លើងមុខព្រលានយន្តហោះ)។
គម្រោងអភិវឌ្ឍន៍ថ្មីនេះ ត្រូវបានអភិវឌ្ឍន៍លើផ្ទៃដីសរុបជាង២៣ហិកតា ដែលនឹងសាងសង់លំនៅដ្ឋានបែបប្រណិតជិត១ពាន់ខ្នង ជូនអតិថិជន ដោយមានជាប្រភេទផ្ទះប្រកបអាជីវកម្ម ហ្សបហោស (Shop House) ផ្ទះវីឡាភ្លោះ (Sunflower) និងប្រភេទផ្ទះវីឡាទោល (MariGold) ដោយគ្រប់ប្រភេទផ្ទះទាំងអស់ ត្រូវបានរចនាឡើងតាមបែបទាន់សម័យ។
សម្រាប់ព័ត៌មានបន្ថែមលោកអ្នកអាចទំនាក់ទំនងមកកាន់លេខទួរស័ព្ទ 098 73 3333 / 085 999 809។
