ដោយ ប៊ី
ភ្នំពេញៈ ថ្ងៃនេះ គេទំព័រ Propertyarea.asia សូមនាំមកនូវអគារដែលត្រូវបានសាងសង់ ក្នុងតម្លៃថ្លៃជាងគេបំផុតនៅអាស៊ី។
តើអគារតម្លៃថ្លៃជាងគេបំផុតនៅអាស៊ីស្ថិតប្រទេសណា?
អគារ MGM Cotai ក្រោមការចំណាយប្រាក់ប្រមាណ៣,៤ពាន់លានដុល្លារសម្រាប់ការអភិវឌ្ឍ ដែលត្រូវបានអភិវឌ្ឍន៍ដោយក្រុមហ៊ុន MGM China Holdings Ltd គឺជាអគារដែលមានតម្លៃជាងគេបំផុតនៅអាស៊ី ហើយអាគារនេះបានបើកដំណើរការជាសាធារណៈនៅថ្ងៃនេះ កាលពីខែកុម្ភៈឆ្នាំ២០១៨ ។ រមណីយដ្ឋានកម្សាន្តថ្មីនេះ គឺជាការវិនិយោគធំបំផុតនៅទីក្រុងម៉ាកាវ របស់ចិនផងដែរ។
អគារ MGM Cotai មានកម្ពស់៣៥ជាន់ មានបន្ទប់ចំនួន១.៣៩០ រួមទាំង បន្ទប់រីសត ១.២២៨ បន្ទប់ – ប្រភេទបន្ទប់ស្តង់ដារចំនួន៩៩ អគារ Skylofts ចំនួន១៦ និងវីឡា ២៧ ។
យោងទៅតាមក្រុមហ៊ុន MGM China មានតែ១០ ភាគរយនៃជាន់សរុបរបស់ MGM Cotai ប៉ុណ្ណោះ ដែលត្រូវបានផ្តោតលើកន្លែងល្បែង។ កាស៊ីណូនៅឯអចលនទ្រព្យនេះបានបើកដំណើរការនៅថ្ងៃនេះ ជាមួយតុលេងល្បែងនៅលើទីផ្សារចំនួន១៧៧កន្លែង។
ក្រុមហ៊ុន MGM China បានឱ្យដឹងថា អចលនទ្រព្យនេះ នឹងកំណត់ឡើងវិញនូវរបៀប ដែលមនុស្សមានបទពិសោធន៍សិល្បៈនិ ងការកម្សាន្តបែបថ្មី។
អ្នកនាំពាក្យរបស់ក្រុមហ៊ុន MGM China បាននិយាយថា “យើងកំពុងផ្តោតលើទីផ្សារដ៏ធំរបស់យើង” ។
លោក Pansy Ho សហប្រធានក្រុមហ៊ុន MGM China បាននិយាយថា អគារ MGM Cotai នឹងផ្តោតលើគុណភាពសម្រាប់អតិថិជន ដែលនឹងពេញចិត្តចំពោះគុណភាពនៃសេវាកម្ម ក៏ដូចជាពេញចិត្តនឹងគុណភាព នៃបទពិសោធកម្សាន្តបស់ពួកគេផងដែរ” ៕
