ដោយ ប៊ី
អន្តរជាតិ៖ តម្លៃលំនៅដ្ឋាននៅចក្រភពអង់គ្លេសបានធ្លាក់ចុះ ០.១ ភាគរយ បើប្រៀបធៀបនឹងខែមិថុនាឆ្នាំមុន។
បើប្រៀបធៀបពីខែទៅមួយខែ តម្លៃលំនៅដ្ឋានបានធ្លាក់ចុះ ១,៤ ភាគរយ មិនមែនជាការធ្លាក់ចុះខ្លាំង ១,៧ ភាគរយដូចកាលពីខែឧសភា ដែលជាការធ្លាក់ចុះធំបំផុតក្នុងរយៈពេលជាង ១១ ឆ្នាំ។
ការស្ទង់មតិរបស់សេដ្ឋវិទូរបស់សារព័ត៌មានរ៉យទ័រ បានចង្អុលបង្ហាញពីការកើនឡើងប្រចាំឆ្នាំ ១,០ ភាគរយ និងការធ្លាក់ចុះប្រចាំខែ ០,៧ ភាគរយ។
រដ្ឋាភិបាលបានបន្ធូរបន្ថយការរឹតត្បិតលើទីផ្សារលំនៅដ្ឋាននៅពាក់កណ្តាលខែឧសភា ប៉ុន្តែទិន្នន័យដែលចេញផ្សាយដោយធនាគារអង់គ្លេសកាលពីដើមសប្តាហ៍នេះបានបង្ហាញពីចំនួនទាបបំផុតនៃការអនុម័តប្រាក់កម្ចីនៅក្នុងកំណត់ត្រាក្នុងខែនោះ។
លោក Robert Gardner ប្រធានសេដ្ឋវិទូប្រចាំប្រទេស បាននិយាយថា ការបន្ធូរបន្ថយបន្ថែមទៀតនៃវិធានការបិទប្រទេសជាទូទៅនៅក្នុងប៉ុន្មានសប្តាហ៍ខាងមុខនេះទំនងជានឹងនាំឱ្យមានសកម្មភាពតិចតួចទៅវិញនៅក្នុងទីផ្សារលំនៅដ្ឋាន ប៉ុន្តែទស្សនវិស័យរយៈពេលមធ្យមនៅតែមិនច្បាស់។
លោក បានបន្តថា ៗគោលការណ៍ ដែលត្រូវបានអនុម័ត ដើម្បីគាំទ្រសេដ្ឋកិច្ច រួមមានការការពារអាជីវកម្ម និងការងារដើម្បីទ្រទ្រង់ប្រាក់ចំណូលរបស់ប្រជាជន និងរក្សាអត្រាការប្រាក់ខ្ចីគួរកំណត់ដំណាក់កាលសម្រាប់ការស្ទុះងើបឡើងវិញ នៅពេលដែលវិបត្តិឆ្លងផុត និងជួយកំណត់ការខូចខាតរយៈពេលវែងដល់សេដ្ឋកិច្ច”។
ផ្អែកលើការកែតម្រូវតាមរដូវកាល តម្លៃលំនៅដ្ឋាននៅខែមិថុនាគឺទាបជាងកាលពីខែមេសាដល់ ៣,២ ភាគរយ។
នៅទីក្រុងឡុងដ៍ តម្លៃលំនៅដ្ឋានបានកើនឡើង ២,១ ភាគរយប្រចាំឆ្នាំក្នុងត្រីមាសទី ២ ហើយតម្លៃមធ្យមនៅរដ្ឋធានីនេះនៅកំណើនទាបជាង ៣ ភាគរយ ចាប់តាំងពីដើមឆ្នាំ ២០១៧។
ការស្ទង់មតិរបស់ Reuters លើអ្នកវិភាគទីផ្សារអចលនទ្រព្យ ដែលបានចេញផ្សាយកាលពីសប្តាហ៍មុនបានបង្ហាញថា តម្លៃនៅទីក្រុងឡុងត្រូវបានគេរំពឹងថានឹងធ្លាក់ចុះ ៥.០ ភាគរយនៅឆ្នាំនេះ មុនពេលកើនឡើង ២,០ ភាគរយនៅឆ្នាំក្រោយ និង ៤,៣ ភាគរយនៅឆ្នាំ ២០២២៕
