ក្រុមហ៊ុនជាតិ និងអន្តរជាតិធំៗចំនួន ៥ កំពុងចូលរួមលើកស្ទួយការអភិវឌ្ឍវិស័យអចលនទ្រព្យនៅកម្ពុជា

ដោយវុត្ថា

ភ្នំពេញ៖ ប្រទេសកម្ពុជាក្នុងរយៈពេលប៉ុន្មានឆ្នំាកន្លងមកនេះមានសក្តាពលលើការវិនិយោគ និងអភិវឌ្ឍន៍វិស័យអចលនទ្រព្យ និងជាប្រទេសមួយក្នុងចំណោមតំបន់អាស៊ានមានការីកចំរើនលឿនលើវិស័យអចលទ្រព្យ។

តាមការចុះផ្សាយរបស់គេហទំព័រ Investasian បានចុះផ្សាយថា មានក្រុមហ៊ុនអភិវឌ្ឍអចលនទ្រព្យចំនួន ៥ បានបំពេញនូវលក្ខខណ្ឌស្តងដារអន្តរជាតិ ហើយបានចូលរួមអភិវឌ្ឍន៍វិស័យទ្រព្យកម្ពុជាឱ្យមានការររីកចំរើន បើទោះបីកម្ពុជាទទួលរងនូវផលប៉ះពាល់សេដ្ឋកិច្ចយ៉ាងក្តី។ ជាមួយគ្នានេះ ក្រុមហ៊ុនអភវិឌ្ឍចំនួន ៥ បាននឹងកំពុងចូលរួមលើកស្ទួយវិស័យអចលនទ្រព្យកម្ពុជាឱ្យមានការរីកចំរើនផងដែរ។

១) ក្រុមហ៊ុន អភិវឌ្ឍន៍ UrbanLand

ក្រុមហ៊ុនអភិវឌ្ឍន៍ UrbanLand Asia គឺជាក្រុមហ៊ុនអភិវឌ្ឍន៍ឈានមុខគេនៅកម្ពុជាដែលត្រូវបានបង្កើតក្រុមហ៊ុននេះក្នុងឆ្នាំ ២០១៣ ដើម្បីសាងសង់ខុនដូ ការិយាល័យ និងសណ្ឋាគារប្រណីត ៗ នៅភ្នំពេញ។ ចាប់តាំងពីពេលនោះមក ក្រុមហ៊ុន UrbanLand បានទទួលពានរង្វាន់ជាច្រើនសម្រាប់ការអភិវឌ្ឍន៍លំនៅដ្ឋាន និងអគារពាណិជ្ជកម្មរបស់ខ្លួន។

២) ក្រុមហ៊ុនអភិវឌ្ឍបុរីប៉េងហួតគ្រុប

ក្រុមហ៊ុនអភិវឌ្ឍបុរីប៉េងហួតគ្រុប ជាក្រុមហ៊ុនអភិវឌ្ឍន៍អចលនទ្រព្យ ដែលត្រូវបានបង្កើតឡើងក្នុងឆ្នាំ ២០០៥ ក្រុមហ៊ុនបានការអភិវឌ្ឍគម្រោងថ្មីៗជាច្រើនហើយបានលក់លំនៅឋាថ្មីជាង ១០,០០០ខ្នង ។ ក្រុមហ៊ុនបានទទួលពានរង្វាន់ ជាក្រុមហ៊ុនអភិវឌ្ឍន៍ល្អបំផុត ពី Asia Property Awards រួមជាមួយការសរសើរផ្សេងៗ។

៣) ក្រុមហ៊ុន Creed Asia (Cambodia)
ក្រុមហ៊ុនអភិវឌ្ឍន៍ Creed Asia គឺជាអ្នកអភិវឌ្ឍន៍ជប៉ុនដែលមានកំណត់ត្រារឹងមាំនៅទូទាំងអាស៊ីអាគ្នេយ៍ ត្រូវបានបង្កើតឡើងក្នុងឆ្នាំ ១៩៩៦ ក្រុមហ៊ុនបានបញ្ចប់គម្រោងនៅ ៩ ប្រទេសផ្សេងគ្នារួមមានកម្ពុជា វៀតណាម និងម៉ាឡេស៊ី។ ក្រុមហ៊ុន នេះបានទទួលពានរង្វាន់សម្រាប់ការអភិវឌ្ឍន៍ខុនដូ និងការរចនាស្ថាបត្យកម្មល្អបំផុតនៅក្នុងកម្មវិធីពានរង្វាន់អចលនទ្រព្យកម្ពុជា។
៤) ក្រុមហ៊ុនអភិវឌ្ឍ Triple Gem
ក្រុមហ៊ុនអភិវឌ្ឍ Triple Gem ត្រូវបានបង្កើតឡើងនៅក្នុងឆ្នាំ ២០១២ ក្នុងងនាមជាក្រុមហ៊ុនអភិវឌ្ឍន៍អចលនទ្រព្យ ឯកជន។ បច្ចុប្បន្ន ក្រុមហ៊ុនត្រូវបានគេស្គាល់ថាល្អបំផុតសម្រាប់គម្រោងហេដ្ឋារចនាសម្ព័ន្ធដែលទទួលបានមូលនិធិសាធារណៈ។ ចាប់តាំងពីត្រូវបានបង្កើតឡើងក្រុមហ៊ុន Triple Gem បានបញ្ចប់គម្រោងសាងសង់ស្ពាននិងផ្លូវដែកផ្សេងៗគ្នា។

៥) ក្រុមហ៊ុន FURI Corporation
ក្រុមហ៊ុន FURI Corporation ត្រូវបានបង្កើតឡើងក្នុងឆ្នាំ ២០១២ និងបានក្លាយជាអ្នកអភិវឌ្ឍន៍អចលនទ្រព្យឈានមុខគេនៅកម្ពុជា។ ក្រុមហ៊ុនបានដាក់ទុនលើទីផ្សារអចលនទ្រព្យនៅក្នុងប្រទេសដើម្បីអភិវឌ្ឍ និងលក់អចលនទ្រព្យឱ្យវិនិយោគិនបរទេស។

សារព័ត៌មាន Investasia បញ្ជាក់ថា ការវិនិយោគ និងការអភិវឌ្ឍលើវិស័យអចលនទ្រព្យនៅក្នុងប្រទេសកម្ពុជា បានទទួលនូវផលប្រយោជន៍ និងចំណេញខ្ពស់ ។ អចលនទ្រព្យនៅកម្ពុជាមានតំលៃថោកប៉ុន្តែវិនិយោគិនអាចទទួលបានផលមកវិញយ៉ាងច្រើនដោយសារតម្លៃអចលនទ្រព្យកើនឡើង និងទទួលចំណូលខ្ពស់។ លើសពីនេះទៅទៀតប្រទេសកម្ពុជាមានភាពងាយស្រួលសម្រាប់វិនិយោគិនជាតិ និងអន្តរជាតិ៕