ដោយៈ រ៉ាណេត
ភ្នំពេញៈ ផ្អែកតាមការចុះផ្សាយរបស់គេហទំព័រ Investasian បានចុះផ្សាយថា នៅក្នុងប្រទេសកម្ពុជា ក្រុមហ៊ុន FURI Corporation បានជាប់ជាក្រុមហ៊ុនអភិវឌ្ឍអចលនទ្រព្យ១ ក្នុងចំនួន១០ ឈានមុខគេ ដែលបាននិងកំពុងបំពេញនូវលក្ខខណ្ឌស្តង់ដារអន្តរជាតិ ដែលជារួមអភិវឌ្ឍន៍វិស័យទ្រព្យកម្ពុជាឱ្យមានការររីកចម្រើន។
ការអះអាងរបស់គេហទំព័រ Investmentasian ខាងលើនេះត្រូវបានធ្វើឡើងក្រោមការសិក្សាលម្អិតពីគម្រោងបណ្តាក់ទុន សកម្មភាពអភិវឌ្ឍន៍ និងលទ្ធផលដែលទទួលជាបណ្ដើរៗពាក់ព័ន្ធ ទៅនឹងគម្រោងដែលកំពុងសាងសង់ រួមជាមួយនឹងការទទួលស្គាល់នូវគុណភាពសំណង់ផងដែរ។
ក្រុមហ៊ុន FURI Corporation ត្រូវបានបង្កើតឡើងក្នុងឆ្នាំ ២០១២ និងបានក្លាយជាអ្នកអភិវឌ្ឍន៍អចលនទ្រព្យល្បីឈ្មោះមួយនៅកម្ពុជា។ ក្រុមហ៊ុននេះ បានដាក់ទុនវិនិយោគនៅលើទីផ្សារអចលនទ្រព្យក្នុងប្រទេស ដើម្បីអភិវឌ្ឍន៍ និងលក់អចលនទ្រព្យរបស់ឱ្យវិនិយោគិនជាតិ និងអន្តរជាតិ ក្រោមកិច្ចសហការជាមួយក្រុមហ៊ុនជាដៃគូមកពីប្រទេសសិង្ហបុរី។
បច្ចុប្បន្ននេះ ក្រុមហ៊ុន FURI Corporation បាននិងកំពុងអនុវត្តនូវសកម្មភាពនៃគម្រោងអភិវឌ្ឍន៍ជាច្រើន ដែលបម្រើក្នុងវិស័យផ្សេងៗគ្នា ដូចជា ទី១ គម្រោងផ្សារទំនើបដ៏ធំ និងលើកដំបូងនៅក្នុងក្រុងព្រះសីហនុ FURI Times Square (កំពុងដំណើរការលក់)។ ផ្សារទំនើប Furi Times Square មានទីកន្លែងលក់រាយ និងកន្លែងកម្សាន្តចំនួនសរុប ៦០០០ម៉ែត្រការ៉េ ត្រូវបានជ្រើសរើសនៅក្នុងប្រភេទរចនាស្ថាបត្យកម្មល្អបំផុត នៅក្នុងពិធីពានរង្វាន់អចលនទ្រព្យកម្ពុជា។
ផ្សារទំនើបមួយនេះមានកំពស់ ៤ជាន់នេះ ស្ថិតនៅលើផ្លូវឯករាជ្យ ស្ថិតក្នុងសង្កាត់មិត្តភាព ខ័ណ្ឌមិត្តភាព ក្រុងព្រះសីហនុ ក្រោមទុនវិនិយោគជាង១០លានដុល្លារ។
ទី២ គម្រោងអភិវឌ្ឍន៍ក្រុងថ្មី Crystalville Ream Beach មានទុនវិនិយោគប្រមាណ១០០០លានដុល្លារ ស្ថិតនៅក្បែរគម្រោងភិវឌ្ឍន៍ឆ្នេរសមុទ្រដ៏ស្រស់ស្អាត ភ្ជាប់ជាមួយនឹងមហាវិថីឆ្នេររាម ដែលមានទំហំ៥០ម៉ែត្រ តភ្ជាប់ទៅកាន់ឆ្នេរអូរត្រេះអភិវឌ្ឍន៍ឆ្នេរសមុទ្ររាម។ នៅក្នុងគម្រោងនេះ មានការសាងសងវីឡាលំហែរកាយ សណ្ឋាគារលំដាប់ផ្កាយ៥ អាគារខុនដូ ផ្សារទំនើប និងអាងហែលទឹក Crystal លំដាប់អន្តរជាតិដ៏ធំប្រចាំតំបន់។
ទី៣ គម្រោងសណ្ឋាគារ FURI នៅកណ្តាលក្រុងព្រះសីហនុៈ គម្រោងអភិវឌ្ឍន៍មជ្ឈមណ្ឌលកម្សាន្ត កាស៊ីណូលំដាប់អន្តរជាតិដ៏ធំ ដែលមានទីតាំងស្ថិតនៅក្នុងក្រុងព្រះសីហនុ។ ក្រុមហ៊ុន FURI Corporation ក៏នៅមានគម្រោអភិវឌ្ឍន៍មួយចំនួនទៀត ដែលកំពុងស្ថិតនៅក្នុងដំណាក់សិក្សា និងស្វែងរកក្រុមហ៊ុនសហការជាដៃគូ។
នៅក្នុងការចេញផ្សាយរបស់សារព័ត៌មាន Investasia ក៏បានបញ្ជាក់ថា ការវិនិយោគ និងការអភិវឌ្ឍលើវិស័យអចលនទ្រព្យ នៅក្នុងប្រទេសកម្ពុជា គឺបានទទួលនូវផលប្រយោជន៍ និងចំណេញខ្ពស់ បើប្រៀបធៀបទៅនឹងបណ្តាប្រទេសជិតខាង និងនៅក្នុងតំបន់អាស៊ី។ អចលនទ្រព្យនៅកម្ពុជាមានតំលៃថោក ប៉ុន្តែវិនិយោគិនអាចទទួលបានផលមកវិញយ៉ាងច្រើន ដោយសារតម្លៃអចលនទ្រព្យកើនឡើង និងទទួលចំណូលខ្ពស់។
លើសពីនេះទៅទៀតប្រទេសកម្ពុជា បានផ្តល់ជូននូវលក្ខខណ្ឌងាយស្រួលសម្រាប់វិនិយោគិនជាតិ និងអន្តរជាតិ៕
