ដោយ ៖ វុត្ថា
ភ្នំពេញ ៖ ក្នុងរយៈពេលប៉ុន្មានចុងក្រោយនេះ ការវិនិយោគក្នុងវស័យអចលនទ្រព្យក្នុងប្រទេសកម្ពុជាទទួលបានផលចំណេញច្រើនជាងបណ្តាប្រទេសនានានៅក្នុងតំបន់អាស៊ាន។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុនៅកម្ពុជា (CVEA) បានគេហទំព័រpropertyarea.aia កន្លងមកនេះ ថា មានកត្តាជាច្រើនដែលធ្វើឲ្យមានការចំណេញច្រើនដោយសារតែប្រទេសកម្ពុជាកំពុងអភិវឌ្ឍន៍ ដីនៅមានលទ្ធភាពទិញក្នុងការអភិវឌ្ឍន៍សាងសង់អគារខ្ពស់ ស្ថេរភាពនយោបាយ ភាពជឿជាក់លើវិស័យអចលនទ្រព្យ ព្រមទាំងកំណើនសេដ្ឋកិច្ចក្នុងប្រទេស។
លោកបន្តថា កត្តាទាំងអស់នេះ ហើយបានធ្វើឲ្យប្រជាជន និងជនបរទេសដែលមកវិនិយោគនៅក្នុងប្រទេសកម្ពុជា ។ បន្ថែមពីនេះ តម្លៃអចលនទ្រព្យនៅក្នុងប្រទេសកម្ពុជាមានតម្លៃទាបជាងបណ្តាប្រទេសមួយចំនួននៅក្នុងតំបន់អាស៊ាន ក៏ជាកត្តាចម្បងមួយដែលទទួលបានផល និងមានលទ្ធភាពច្រើនក្នុងការវិនិយោគក្នុងវិស័យអចលនទ្រព្យ។
លោក Jame Hodge អនុប្រធានក្រុមហ៊ុន CBRE ប្រចាំនៅកម្ពុជា បានឲ្យដឹងដែរថា វិស័យអចលនទ្រព្យនៅក្នុងប្រទេសកម្ពុជា ជាពិសេសរាជធានីភ្នំពេញជាមូលដ្ឋានគ្រឹះដ៏សំខាន់ក្នុងការធ្វើដំណើរវែងឆ្ងាយទៅមុខ ដោយពុំមានបញ្ហាអ្វីកើនឡើងច្រើននោះទេ ដែលបណ្តាលឲ្យអ្នកវិនិយោគក្នុងវិស័យនេះទទួលបានផលច្រើន និងយូអង្វែង។
លោកបន្តថា មានកត្តា ៥ ដែលទទួលបានផលចំណេញច្រើនលើការវិនិយោគលើវិស័យនេះ ពោល គឺតម្លៃដីធ្លីនៅទាប ប្រជាពលរដ្ឋវ័យក្មេងច្រើន សេដ្ឋកិច្ចមានការរីកចម្រើនខ្លាំង ការវិនិយោគក្នុងវិស័យអចលនទ្រព្យមានរយៈពេលវែង និងតម្រូវការអចលនទ្រព្យច្រើន ជាពិសេសលំនៅដ្ឋាន។
លោកបញ្ជាក់ទៀតថា ក្នុងរយៈពេលប៉ុន្មាននេះ តម្រូវការអចលនទ្រព្យពីសំណាក់ប្រជាពលរដ្ឋខ្មែរមានការកើនឡើងខ្ពស់ និងច្បាប់វិនិយោគនៅក្នុងប្រទេសកម្ពុជាមានភាពងាយស្រួលដល់អ្នកវិនិយោគិនបរទេស ដែលធ្វើឲ្យវិស័យអលចនទ្រព្យក្នុងប្រទេសកម្ពុជាមានការកើនឡើជាលំដាប់រហូតមកដល់ពេលនេះ បានធ្វើឲ្យអ្នកវិយោគក្នុងវិស័យនេះទទួលបានផលច្រើនជាងបណ្តាលប្រទេសមួយចំនួននៅក្នុងតំបន់អាស៊ាន៕
