ដោយវុត្ថា
អាមេរិក៖ គម្រោងសាងសង់អគារលំនៅឋានខ្ពស់កប់ពពកមួយនៅក្នុងទីក្រុង New York ត្រៀបនឹងបញ្ចប់នៅឆ្នាំ ២០២០នេះ ដែលនឹងក្លាយជាអគារលំនៅឋានខ្ពស់បំផុតនៅក្នុងពិភពលោក ដែលមានកំពស់ ៩១ ជាន់ និង ១,៤២៨ ហ្វីត ។
តាមការចុះផ្សាយរបស់សារព័ត៌មាន Business Insider បានឱ្យដឹងថា អគារនេះ ជាគម្រោងអគារខុនដូ ខ្ពស់បំផុតត្រូវបានសាងសង់នៅក្នុងតំបន់ពាណិជ្ជកម្មនៃទីក្រុង New York ដែលមានអចលនទ្រព្យថ្លៃបំផុត។
នៅពេលសាងសងបញ្ចប់ វាបានក្លាយជាអគារលំនៅដ្ឋានខ្ពស់ជាងគេបំផុតនៅលើពិភពលោកបន្ទាប់ពីអគារ Central Park South ។ អគារដ៏ខ្ពស់លំដាប់ពិភពលោកនេះ ត្រូវបានបោះទុនវិនិយោគដោយក្រុមហ៊ុន JDS Development Group ក្រុមហ៊ុន Markets Group និងក្រុមហ៊ុន Spruce Capital Partners ក្នុងទំហំទឹកប្រាក់រាប់លានដុល្លារអាមេរិក។
នៅពេលសាងសង់ចប់ នឹងផ្តល់ជូននូវភាពងាយស្រួលដល់អ្នករស់នៅក្នុងអគារនេះ ដោយមានសន្តិសុខបំពេញការងារ ២៤ ម៉ោង និងមានអាងហែលទឹកប្រវែង ៨២ ហ្វីត ព្រមទាំងកន្លែងហាត់កីឡាផងដែរ។
លោក Gregg Pasquarelli ស្ថាបនិកនៃក្រុមហ៊ុនស្ថាបត្យកម្ម SHoP ដែលបានរចនាអគារនេះបានឱ្យដឹងនៅក្នុងសន្និសីទសារពត៌មានមួយថា អាគារខុនដូនេះ ជាអគារមួយមានលក្ខណខុសប្លែកពីអគារផ្សេងទៀតនៅក្នុងទីក្រុងញូវយ៉ក ព្រោះវាបំពាក់ទៅដោយឧបករណ៍ទំនើប ព្រមទាំងរចនាប្រកបដោយការគិតគូខ្ពស់ ៕
