ដោយ ហ្សូលី
កូឡាឡាំពួរៈ រដ្ឋាភិបាលប្រទេសម៉ាឡេស៊ី នឹងចរចាសារជាថ្មីជាមួយភាគីចិន ពីការស្ថាបនាបណ្តាញផ្លូវដែក នៅមាត់សមុទ្រភាគខាងកើតប្រទេស ដែលមានតម្លៃវិនិយោគប្រមាណ ១០ពាន់លានដុល្លារ។
រដ្ឋាភិបាលនៃប្រទេសម៉ាឡេស៊ីបាននិយាយថា ខ្លួនគ្រោងនឹងត្រឡប់ទៅផ្លូវដើមវិញ សម្រាប់ការចរចាផ្លូវដែកតម្លៃ ១០.៦ពាន់លានដុល្លាររបស់ខ្លួន ហើយនឹងពិភាក្សាអំពីផលប៉ះពាល់ថ្លៃដើម ជាមួយក្រុមហ៊ុនម៉ៅការគឺក្រុមហ៊ុនសំណង់ចិន China Communications Construction Company (CCCC) ។
អនុរដ្ឋមន្ត្រីក្រសួងដឹកជញ្ជូនបានប្រាប់សភាថា រដ្ឋាភិបាល នឹងធ្វើការចរចាឡើងវិញជាមួយរដ្ឋាភិបាលចិន និងអ្នកម៉ៅការដ៏សំខាន់នៃគម្រោងនេះ ដើម្បីបញ្ជាក់ពីផលប៉ះពាល់នៃការចំណាយនិងកាលវិភាគនៃការអនុវត្តគម្រោង។
លោកបន្តថា “លទ្ធផលនៃការចរចានេះ នឹងត្រូវបង្ហាញទៅរដ្ឋាភិបាល បន្ទាប់ពីនោះការចរចាគម្រោងនេះបានបញ្ចប់។ ម៉ាឡេស៊ីរំពឹងថាថ្លៃដើម នៃគម្រោងអាចនឹងតិចឬច្រើនដូចគ្នានឹងចំនួនបច្ចុប្បន្ន” ។
ផែនការសាងសង់បណ្តាញផ្លូវដែក មានប្រវែង៦៤០គីឡូម៉ែត្រ មិនមានកង្វះខាតការឯកភាពគ្នាឡើងវិញទេ។
កិច្ចព្រមព្រៀងសាងសង់ បានត្រូវបានចុះហត្ថលេខា ជាលើកដំបូងនៅក្នុងខែវិច្ឆិកាឆ្នាំ ២០១៦ ដោយរដ្ឋាភិបាលម៉ាឡេស៊ី ហើយការងារសាងសង់បានចាប់ផ្តើមនៅ ខែសីហា ឆ្នាំ២០១៧ ។ នៅពេលនោះការចំណាយត្រូវបានដាក់ចន្លោះ ១៣,១ ពាន់លានដុល្លារទៅ ១៥,៩ ពាន់លានដុល្លារ។
បន្ទាប់មកដំណើរការសាងសង់ ត្រូវបានបញ្ឈប់នៅខែកក្កដា ឆ្នាំ ២០១៨ បន្ទាប់ពីរដ្ឋាភិបាលរបស់លោក Mahathir Mohamed បានឡើងកាន់អំណាច។ ដំបូងឡើយប្រជាជនម៉ាឡេស៊ីបានលើកឡើងថា កិច្ចព្រមព្រៀងនេះ ត្រូវបានលុបចោល ប៉ុន្តែបន្ទាប់មកការពិភាក្សាបាននាំឱ្យមានមធ្យោបាយថ្មី និងកាត់បន្ថយថ្លៃដើម។
បណ្តាញតភ្ជាប់នេះ នឹងក្លាយជាគម្រោងមួយ ក្នុងចំណោមគម្រោងសំខាន់ៗសម្រាប់គំនិតផ្តួចផ្តើមខ្សែក្រវ៉ាត់១ និងផ្លូវ១របស់ប្រទេសចិន។ ការសាងសង់អាចនឹងបញ្ចប់តាមការគ្រោងទុកនៅឆ្នាំ ២០២៦ ៕
