ដោយៈ រ៉ាណេត
សៀមរាបៈ ស្ថិតនៅលើផ្លូវធំហាយវេ៦៦ ដែលមានចរាចរណ៍យ៉ាងមមាញឹក និងស្ថិតនៅក្បែរតំបន់ទេសចរណ៍ជាច្រើន គម្រោងអភិវឌ្ឍន៍ដីឡូតិ៍ អចលនទ្រព្យបន្ទាយស្រី បាន និងកំពុងលក់ក្នុងតម្លៃកាន់តែពិសេសត្រឹម៣០០០ដុល្លារ ក្នុងមួយឡូតិ៍ ដែលផ្តល់ឱកាសចំណេញកាន់តែច្រើន រួមជាមួយនឹងលក្ខខណ្ឌបង់ប្រាក់យ៉ាងងាយស្រួល ស្ថិតនៅភូមិខ្នារ ឃុំខ្នារសណ្តាយ ស្រុកបន្ទាយស្រី ខេត្តសៀមរាប ដែលកំពុងមានការអភិវឌ្ឍន៍។
តំណាងក្រុមហ៊ុនអភិវឌ្ឍន៍ដីឡូតិ៍ អចលនទ្រព្យបន្ទាយស្រី លោកស្រី ជិន លក្ខិណា បានមានប្រសាសន៍ឱ្យដឹងតាមទូរស័ព្ទ កាលពីល្ងាចថ្ងៃទី១៥ ខែវិច្ឆិកា ឆ្នាំ២០២០ ថា បច្ចុប្បន្ននេះ នៅក្នុងស្រុកបន្ទាយស្រី មានគម្រោងអភិវឌ្ឍន៍ជាច្រើន ជាពិសេសទៅលើហេដ្ឋារចនាសម្ព័ន្ធនានា ដែលកាន់តែជំរុញវិស័យដីធ្លី នៅក្នុងតំបន់មានតម្រូវការ និងកើនតម្លៃជាបន្តបន្ទាប់។ ជាក់ស្ដែងដូចជាគម្រោងអភិវឌ្ឍន៍ដីឡូតិ៍ របស់លោកស្រីទើបតែចាប់ផ្តើមបើកលក់តែប៉ុណ្ណោះ ប៉ុន្តែលទ្ធផលនៃការលក់គឺទទួលបានជិត ៤០ភាគរយនៃគម្រោង។
លោកស្រីបានបន្តថា “ហេតុផលដែលជំរុញឱ្យអតិថិជន គាំទ្រមកលើគម្រោង ព្រោះពួកគាត់បានមើលឃើញពីឱកាស ចំណេញពីការទិញយ៉ាងច្រើន ដូចជាតម្លៃដីក្នុងមួយឡូតិ៍ ចាប់ពី ៣០០០ដុល្លារឡើងទៅតែប៉ុណ្ណោះ ដែលអាចមានឱកាសចំណេញនៅពេលលក់បន្ត ហើយចំពោះការបង់ប្រាក់មានភាពងាយស្រួល ពោលគឺបង់ត្រឹមមួយខែ៦៦ដុល្លារ ដោយមិនចាំបាច់មានប្រាក់កក់ និងគ្មានការប្រាក់” ។
គម្រោងមួយនេះ ស្ថិតនៅទីតាំងដែលមានសក្ដានុពលល្អ មិនជាប់ពាក់ព័ន្ធនឹងគម្រោងអប្សរា និងប៉ះពាល់តំបន់អភិរក្សធម្មជាតិនោះទេ ពោលគឺនៅជាប់ផ្លូវធំហាយវេ៦៦ និងមានផ្លូវរដ្ឋទំហំ ១៥ម៉ែត្រ នៅជាប់ចំហៀងដីគម្រោង ងាយស្រួលក្នុងការធ្វើដំណើរ មានចម្ងាយត្រឹម៣គីឡូម៉ែត្រពីរង្វង់មូល ដែលបំបែកទៅកាន់តំបន់ទេសចរណ៍កម្សាន្តផ្សេងៗដូចជា ភូមិព្រះដាក់ ភ្នំគូលេន តំបន់អភិរក្សសួនសត្វ តំបន់បន្ទាយស្រី និងមានចម្ងាយត្រឹម៧គីឡូម៉ែត្រ ពីផ្លូវទៅព្រលានយន្តហោះថ្មី ក៏ដូចជាចេញទៅតាមបណ្តាខេត្តនានាផងដែរ។
ដោយឡែកនៅក្នុងគម្រោង ក៏មានការអភិវឌ្ឍហេដ្ឋារចនាសម្ព័ន្ធរួចរាល់ ដូចជាបណ្តាញអគ្គិសនី បណ្តាញបង្ហូរទឹក ជាពិសេសផ្លូវគ្រប់ខ្សែមានទំហំ ១០ម៉ែត្រ និងក្រាលថ្មមិចរួចរាល់ ហើយចំពោះអតិថិជនដែលទិញ ដោយការបង់ផ្តាច់នឹងទទួលបានការបញ្ចុះតម្លៃរហូតដល់ ៥០០ដុល្លារភ្លាមៗផងដែរ។ នៅថ្ងៃខាងមុខនេះ តម្លៃដីនឹងបន្តឡើងថ្លៃ ដោយមានលុយត្រឹម ៣០០០ដុល្លារ នឹងមិនអាចទិញដីសម្រាប់សាងសង់ លំនៅដ្ឋានបាននោះទេ។
អភិបាលស្រុកបន្ទាយស្រី ខេត្តសៀមរាប លោក ឃីម ហ្វីណង់ ធ្លាប់បានមានប្រសាសន៍ថា លោកចង់ជំរុញឱ្យស្រុកមួយនេះ ក្លាយទៅជាទីក្រុងថ្មីទី២ បន្ទាប់ពីក្រុងសៀមរាប។ បច្ចុប្បន្នតាមរយៈរដ្ឋបាលស្រុក បាននិងកំពុងធ្វើការកែលម្អរយ៉ាងច្រើន ទៅលើហេដ្ឋារចនាសម្ព័ន្ធនានា រួមមានស្ពាន និងផ្លូវថ្នល់ ដែលធ្វើយ៉ាងណាផ្តល់ភាពងាយស្រួល ដល់ការធ្វើដំណើររបស់ប្រជាពលរដ្ឋ ក៏ដូចជាទេសចរផងដែរ។
ព័ត៌មានលម្អិតពីគម្រោងអភិវឌ្ឍន៍ដីឡូតិ៍ អចលនទ្រព្យបន្ទាយស្រី សូមទាក់ទងតាមទូរស័ព្ទលេខ ៖ 016 999 995 / 017 812 345 / 097 8 123 456 ៕
