ដោយស៊ីវ ម៉េង
ភ្នំពេញៈ សម្ភាធការងារ បញ្ហានៃការប្រកួតប្រជែង នៅពេលសេដ្ឋកិច្ចកាន់តែរីកចម្រើន អារម្មណ៍របស់អ្នកនឹងកាន់តែតានតឹងជាមុនមិនខាន។ នេះជានិន្នាការទូទៅនៅតាមបណ្តាប្រទេសអភិវឌ្ឍន៍រីកចម្រើននានា។
បញ្ហាប្រឈមចំនួន៤ ដែលនឹងធ្វើឲ្យអ្នកមានអារម្មណ៍តានតឹងជាងមុន នៅក្នុងជីវភាពប្រចាំថ្ងៃ និងការធ្វើដំណើរពិសេសនៅពេលទីក្រុងភ្នំពេញ មានមនុស្សរស់នៅកើនឡើងដល់៥លាននាក់នៅឆ្នាំ២០៣០។
នៅពេលនោះបញ្ហាប្រឈម ដែលអ្នកជួបប្រទះមុនគេ គឺការកកស្ទះចរាចរណ៍កាន់់តែអាក្រក់ ដែលធ្វើឲ្យការធ្វើដំណើររបស់អ្នកយឺតយ៉ាវ និងស្រ្តេសច្រើន បញ្ហាទី២ គឺតម្លៃអចលនទ្រព្យកើនឡើង ដែលធ្វើឲ្យអ្នកមានប្រាក់ចំណួលមធ្យម កាន់តែពិបាករកលទ្ឋភាពទិញលំនៅដ្ឋាននៅក្នុងទីក្រុង។
ទី៣ ការរីកចម្រើននៃបច្ចេកវិទ្យា នឹងផ្លាស់ប្តូរគុណភាពជីវិតរបស់អ្នក តាមរយៈការផ្លាស់ប្តូរបែបផែននៃការរស់នៅ និងខុនដូនឹងផ្តល់ជម្រើសកាន់តែប្រសើរ សំរាប់ការស្នាក់នៅ ងាយស្រួលធ្វើដំណើរទៅកន្លែងការងារ និងផ្តល់បែបផែនរស់នៅថ្មី ស៊ីវិល័យ និងមានផាសុខភាពជាងមុន។
អគ្គនាយកក្រុមហ៊ុនCSA Real Estate Group លោកAlan Neoបានមានប្រសាសន៍ថា និន្នាការនៃការរីកចម្រើនរបស់ទីក្រុងនិមួយៗ នឹងជំរុញឲ្យប្រជាពលរដ្ឋរស់នៅតាមខុនដូ ដែលបទពិសោធន៍បែបនេះ បានកើតមាននៅប្រទេសថៃ សឹង្ហបុរី ម៉ាឡេស៊ី វៀតណាម និងបន្តមកដល់ទីក្រុងភ្នំពេញ ដែលជាទីក្រុងកំពុងលេចឡើងយ៉ាងលឿន ក្នុងក្រសែភ្នែកអ្នកវិនិយោគអន្តរជាតិ។
លោកបន្តថា “ទីផ្សារខុនដូបាន និងកំពុងចាប់ផ្តើមរីកចម្រើននៅទីនេះ នៅទីក្រុងនេះ ដែលពេលនេះជាពេលវេលាដែលសមស្របបំផុត សំរាប់វិនិយោគលើវិស័យអចលនទ្រព្យ ពិសេសខុនដូ ដែលបាននិងកំពុងផ្តល់ការបញ្ចុះតម្លៃពិសេស ហើយវាជាពេលវេលាផ្តល់ផលចំណេញដល់ការវិនិយោគ”។
យោងតាមការសិក្សារបស់ក្រុមហ៊ុនអន្តរជាតិជាច្រើនបានបង្ហាញថា ការវិនិយោគអចលនទ្រព្យនៅកម្ពុជា ទទួលបានផលចំណេញខ្ពស់ពីការវិនិយោគ ជាងបណ្តាប្រទេសនានាក្នុងតំបន់អាស៊ាន ខណៈបណ្តាប្រទេសក្នុងតំបន់មានអត្រា ចំណេញជាមធ្យម៤ភាគរយ ប៉ុន្តែអត្រាចំណេញនៅកម្ពុជា មានផលចំណេញជាមធ្យមរហូតដល់៧ភាគរយប្រចាំឆ្នាំ។
យោងតាមការសិក្សារបស់ក្រុមហ៊ុនUrban Living Solutionបានរកឃើញថា ទីក្រុងភ្នំពេញនឹងមានមនុស្សរស់នៅ កើនឡើងដល់ចន្លោះពី៤,៥ ទៅ៥លាននាក់នៅឆ្នាំ២០៣០ ដែលកំនើនប្រជាសាស្រ្តនេះ នឹងធ្វើឲ្យមានការផ្លាស់ប្តូរបែបផែនសេដ្ឋកិច្ចសង្គម និងនគរូបនីយកម្មធំៗចំនួន៤ ទី១ ការកើនឡើងនូវការកកស្ទះចរាចរណ៍ ទី២ តម្លៃអចលទ្រព្យកើនឡើងខ្ពស់នៅទីក្រុង ធ្វើឲ្យមនុស្សបង្ខំចិត្តរស់នៅតាមនិន្នាការថ្មី(រស់នៅតាមខុនដូ) និង ទី៣ ការរីកចម្រើនបច្ចេកវិទ្យាធ្វើឲ្យគុណភាពជីវិតប្រសើរឡើង៕
