ដោយគង់ សូរិយា
ភ្នំពេញៈ ក្រុមហ៊ុន TLL ដែលជាក្រុមហ៊ុនក្នុងស្រុកដ៏ធំមួយបានសម្រេចចិត្តបោះទុនវិនិយោគរាប់លានដុល្លារ ដើម្បីសាងសង់បុរីលើផ្ទៃដីទំហំ១៣០ហិកតា ស្ថិតនៅតាមបណ្តោយផ្លូវជាតិលេខ៥១។
ពិធីបើកសម្ភោធលក់គំរោងនេះ បានធ្វើឡើងកាលពីចុងសប្តាហ៍មុន។ គំរោងនេះមានទីតាំងជាប់ផ្លូវជាតិលេខ៥១ ស្ថិតក្នុងភូមិពោធិ៍ ឃុំដំណាក់រាំង ស្រុកឧដុង្គ ខេត្តកំពង់ស្ពឺ ដោយមានចម្ងាយត្រឹម៥គីឡូម៉ែត្រពី សួនឧស្សាហកម្មកាណាឌីយ៉ាថ្មី។ មិនត្រឹមស្ថិតនៅទីតាំងមានសក្តានុពល គម្រោងTLL ថែមទាំងមានតម្លៃត្រឹម១៩,៩៩៩ដុល្លារតែប៉ុណ្ណោះ។
ក្រុមហ៊ុនTLL បានបង្កើតគម្រោងផ្ទះល្វែង និងសួនកម្សាន្តរបស់ខ្លួន ដោយផ្ដោតលើ តម្លៃ សមរម្យ គុណភាពខ្ពស់ និងមានរយៈពេលលឿនក្នុងការសាងសង់ ដែលផ្ដល់ភាពងាយស្រួលដល់អតិថិជន ដើម្បីឆាប់បានចូលរស់នៅក្នុងផ្ទះល្វែងដ៏ប្រណិត។
គម្រោងផ្ទះល្វែង TLL ស្ថិតនៅទីតាំងដ៏មានសក្តានុពល គឺផ្លូវក្រវាត់ក្រុងទី៤ ក្រៅពីមានសក្តានុពលពិសេសទាំងនេះTLL ពិតជាសាកសមសម្រាប់អតិថិជន ដែលមានប្រាក់ចំណូលមធ្យម អាចទទួលបានផ្ទះដែលមានគុណភាពខ្ពស់សម្រាប់ការរស់នៅ។
លោកស្រី សុខ ស្រីអូន ម្ចាស់គម្រោងTLL បានលើកឡើងដូច្នេះថា “ខ្ញុំចង់ឲ្យអ្នកដែលធ្លាប់ជួលផ្ទះគេនៅពីមុន អាចទទួលបានផ្ទះជារបស់ខ្លួន ក្នុងតម្លៃសមរម្យជាមួយ និងគុណភាពខ្ពស់ជូនពួកគាត់”។
សម្រាប់លក្ខខណ្ឌបង់ប្រាក់គឺ មានភាពងាយស្រួល ដោយអតិថនដែលមានបំណងចង់ទិញដីឡូតិ៍ គឺមានការបញ្ចុះតម្លៃពិសេសពី៩៩០០ដុល្លារ មកត្រឹម៦៩០០តែប៉ុណ្ណោះ សម្រាប់អតិថិជនដែលបង់ប្រាក់ដាច់។ សម្រាប់ការបង់រំលស់ផ្ទះល្វែងវិញ អតិថិជនមានប្រាក់ចំណូលចាប់ពី៣០០ដុល្លារ ទៅ៤០០ដុល្លារគឺ អាចបង់រំលស់បានយ៉ាងងាយស្រួលជាមួយការប្រាប់ទាបបំផុត។
គម្រោងផ្ទះល្វែងTLL ក៏ផ្ដោតសំខាន់ទៅលើការផ្ដល់ផ្ទះជូនអតិថិជន ដែលអាចប្រកបរបរ និងធ្វើអាជីវកម្មបានយ៉ាងងាយស្រួលផងដែរ ព្រោះក្នុងគម្រោងមួយនេះមានសួនកម្សាន្ត និងជាទីប្រជុំជន ដោយក្នុងគម្រោងដ៏ធំមួយនេះ មានផ្ទះរហូតដល់ ៥០០០ល្វែង។
សម្រាប់ព័ត៌មានបន្ថែម៖ 098 663 996 / 015 663 996/ 089 663 996 / 099 663 996៕
