ដោយ ៖ គង់ ម៉ាលីន
ភ្នំពេញ ៖ តាមការបង្ហើបពីសំណាក់ថ្នាក់ដឹកនាំជាន់ខ្ពស់របស់ក្រុមហ៊ុន OCIC បានបញ្ជាក់នៅត្រឹមពាក់កណ្តាលឆ្នាំ២០២១ខាងមុខនេះ ក្រុមហ៊ុននឹងបង្ហាញពីគម្រោងអភិវឌ្ឍន៍ដ៏ធំ និងអស្ចារ្យប្រចាំប្រទេសកម្ពុជាស្ថិតនៅទីក្រុងកោះនរាជាមួយនឹងស្ថាបត្យកម្មយ៉ាងល្អឯក។
អគ្គនាយករងក្រុមហ៊ុន OCIC លោកទូច សំណាង បានមានប្រសាសន៍ប្រាប់គេហទំព័រ Propertyarea.asia កាលពីថ្ងៃទី១៣ ខែមករា ឆ្នាំ២០២១ម្សិលមិញនេះថា ក្រុមហ៊ុននឹងប្រកាសពីគម្រោងដ៏ធំមួយនៅក្នុងអំឡុងខែមិថុនាខាងមុខនេះ។
លោកបានបញ្ជាក់ថា វាជាគម្រោងដ៏អស្ចារ្យមួយដែលនឹងមានភាពលេចធ្លោប្រចាំនៅកម្ពុជាលើកដំបូង។ ទោះជាយ៉ាងណាក៏ដោយ លោកទូច សំណាង មិនបានបញ្ជាក់ប្រាប់ថា ជាគម្រោងអ្វីឱ្យពិតប្រាកដនៅឡើយនោះទេ ដោយលោកបានលើកឡើងថាក្រោយការរង់ចាំរហូតដល់ឆមាសទី២នៃឆ្នាំ២០២១នឹងបានដឹងទាំងអស់ជាក់ជាមុនខាន។
