ដោយ : វុត្ថា
ភ្នំពេញ : មហាយក្សចិនគឺជាប្រទេសកុម្មុនីស្តមែន តែសម្បូរទៅដោយប្រព័ន្ធផ្សព្វផ្សាយទាំងប្រព័ន្ធផ្សព្វផ្សាយភាសាជាតិ និងអន្តរជាតិល្បីល្បាញជាច្រើនកំពុងទាក់ទាញអ្នកទស្សនា និងអានពីសំណាក់ចូលចិត្តតាមដានព័ត៌មាន នៅទូទាំងសកលលោកដែលមិនអាចមើលរំលងបាន។
គេហទំព័រ propertyarea.asia នឹងលើកយកទីស្នាក់ការធំរបស់ប្រព័ន្ធផ្សាយរបស់ចិនមួយយកមកចុះផ្សាយ ដើម្បីគ្រាន់បានស្វែងយល់ និងភាពអស្ចារ្យប៉ុណ្ណាសម្រាប់មហាយក្សចិននោះ គឹទីស្នាក់ការកណ្តាលទូរទស្សន៍ល្បីល្បាញ ខ្ពស់កប់ពពកនៅលើពិភពលោកគឺ CCTV ។
ទីស្នាក់កណ្តាលរបស់ទូរទស្សន៍ CCTV ជាគារខ្ពស់កប់ពពកមួយដែលមានកំពស់ ២៣៤ ម៉ែត្រ និង៤៤ជាន់ស្ថិតនៅក្នុងទីក្រុង Beijing របស់ប្រទេសចិន រដ្ឋធានីរបស់ប្រទេសចិន។
អគារនេះគ្រប់គ្រង និងទីស្នាក់របស់ក្រុមហ៊ុន China Media Group ដែលកាលពីមុនជាអគារទូរទស្សន៍កណ្តាលរបស់ចិន (China Central Television Building) ។ អគារដ៏អស្ចារ្យនេះ ចាប់ផ្តើមបុកគ្រឹះសាងសាង់នៅថ្ងៃទី១ ខែមិថុនា ឆ្នាំ២០០៤ និងបញ្ចប់នៅឆ្នាំ២០១២។
អគារនេះ ទីស្នាក់ការកណ្តាលរបស់ទូរទស្សន៍CCTVនេះ ត្រូវបានទទួលពានរង្វាន់អគារដ៏អស្ចារ្យក្នុងឆ្នាំ២០១៣ (2013 Best Tall Building Worldwild) ពីក្រុមប្រឹក្សាអា គារខ្ពស់ និងលំនៅដ្ឋានប្រជុំជន (Coulcil on Tall Building and Urban Habitat)។
ស្ថាបត្យករសាងសង់អាគារនេះ គឺលោក Rem Koolhaas និងលោក Ole Scheeren នៃក្រុមហ៊ុនOMA ជាអ្នកទទបន្ទុកនៃការសងសង់ ខណៈលោក Cecil Balmond និងលោក Arup ជាអ្នកគូប្លង់ស្ថាបត្យកម្មអគារនេះ។
នៅក្នុងអគារនេះ មានទាំងស្ទីតយោផលិតកម្មវិធី កន្លែងផ្សាយចេញ។ កន្លែងធ្វើការ កន្លែងលំហែកាយ រោងភាពយន្ត និងភោជនីយដ្ឋានល្បីជាដើម។ អគារនេះ ត្រូវបាគេចំណាយថវិការសាងសង់អស់ចំនួន១៦លានដុល្លារសហរដ្ឋអាមេរិក៕
