ដោយ វុត្ថា
ភ្នំពេញ៖ អារ៉ាប៊ីសាអូឌីត បានរះចែងចាំងយ៉ាងខ្លាំងនៅសតវត្រ៍ទី២១នេះ តាមរយៈសំណង់ស្ថាបត្យកម្មអាគារដែលមានរចនាបទដ៏ទាក់ទាញ និងធ្វើឲ្យពិភពលោកភ្ញាក់ផ្អើល តាមរយៈធនធានរបស់ពួកគេ។
ថ្ងៃនេះគេហទំព័រ Propertyarea.asia និង Propertyareas.com សូមនាំលោកអ្នកទីស្វែងយល់ពីអាគារដ៏អស្ចារ្យមួយទៀត នោះគឺអគារ Abraj Al-Bait ឬ ហៅថា Makkah Royal Clock គឺជាសណ្ឋាគារដ៏ធំលំដាប់ផ្កាយ៧ នៅក្នុងទីក្រុងMeccaប្រទេសអារ៉ាប់ប៊ីសាអ៊ូឌីត។
អគារនេះ បានសងសង់ឡើងដោយស្តេច Abdulaziz Endowment ដើម្បីធ្វើទំនើបកម្មទីក្រុង ក្នុងការផ្តល់ម្ហូបអាហារដល់អ្នកធ្វើធម្មយាត្រារបស់ខ្លួន។ សណ្ឋាគារនេះមាននាឡិកា Makkah Royal Clock ដ៏ធំបំផុតនៅលើពិភពលោកលំដាប់ទី៣ ដែលមាន ប្រវែង ១៧ ម៉ែត្រ និងជាអគារខ្ពស់បំផុតលំដាប់ទី៥នៅលើពិភពលោក។
អគារនេះនេះសាងសង់ដោយក្រុមហ៊ុន Saudi Binladin Group ដែលជាក្រុមហ៊ុនសំណង់ធំបំផុតរបស់ប្រទេសអារាប់ ដែមានតម្លៃសាងសង់រហូតដល់១៥ពាន់លានដុល្លារអាមេរិក ។ អគារនេះមានសណ្ឋាគារល្អប្រណិតអាផាតម៉ិន និងកន្លែងលក់ទំនិញដ៏ល្អប្រណិត។
អគារនេះ មានរចនាសម្ព័ន្ធកំពស់៦០១ម៉ែត្រ ស្មើនឹង១២០ជាន់ សាងសង់លើកទំហំដីប្រមាណជា១,៥០០,០០០ម៉ែត្រការ៉េ។ អគារនេះ បានជាប់កំណត់ត្រាពិភពលោក បន្ទាប់ការសាងសង់បញ្ចប់រយៈពេល៦ ឆ្នាំក្រោយ។ អគារនេះ ត្រូវបានតុបតែដោលមាសសន្លឹកចំនួន២៤ការ៉ាត នៅលើគំនូដែលមានតម្លៃ៩៨លានដុល្លារ។
អគារកប់ពពកនេះ ត្រូវបានសាងសង់ជាស្ថាបត្យកម្មអ៊ីស្លាម សម្រាប់អ្នកកាន់សាសនាឥស្លាមធ្វើការអធិដ្ឋាន ដែលអាចទទួលមនុស្សចំនួន១ពាន់នាក់។
អគារដ៏អស្ចារ្យនេះ ត្រូវបានសាងស់ឡើងនៅក្នុងឆ្នាំ ២០០៤ និងសាងសង់បញ្ចប់ព្រមទាំងដាក់អោយដំណើរជាផ្លូវការនៅក្នុងឆ្នាំ ២០១១៕
