ដោយៈគង់ សូរិយា
ភ្នំពេញៈ គំរោងកែលំអរផ្លូវជាតិលេខ៤១ បានស្ថិតក្នុងដំណាក់កាលអាទិភាពរបស់រដ្ឋាភិបាល ខណៈការស្នើសុំជំនួយ លើការស្ថាបនាផ្លូវនេះបានធ្វើរួចហើយ ប៉ុន្តែការស្ថាបនានាពេលណា មិនទាន់មានភាពច្បាស់លាស់នៅឡើយទេ។
អ្នកនាំពាក្យក្រសួងសាធារណៈការ និងដឹកជញ្ជូនលោកវ៉ាស៊ីម សូរិយាបានមានប្រសាសន៍ឲ្យដឹងតាមទូរស័ព្ទនារសៀលថ្ងៃទី១០ ឧសភានេះថា គំរោងកែលំអរនិងស្ថាបនាផ្លូវជាតិលេខ៤១ ស្ថិតក្នុងគំរោងអាទិភាព ដែលនឹងធ្វើឡើងបន្ទាប់ពីផ្លូវជាតិលេខ៣ស្ថាបនារួច ដែលគ្រោងបញ្ចប់នៅខែកញ្ញាខាងមុខ ប៉ុន្តែដោយសារជំងឺកូវីដ ការបញ្ចប់ការស្ថបនាផ្លូវជាតិលេខ៣អាចពន្យាពេលខ្លះ។
