ដោយៈគង់ សូរិយា
ភ្នំពេញៈ មន្រ្តីរដ្ឋបាលក្រុងបូកគោបានបង្ហើបឲ្យដឹងថា អាគាររដ្ឋបាលក្រុង ដែលស្ថិនៅលើផ្ទៃដីរហូតដល់៥ហិកតា គ្រោងនឹងបញ្ចប់នាពេលឆាប់ៗខាងមុខនេះហើយ ខណៈសកម្មភាពសាងសង់់កំពុងពន្លឿន។
លោកឡេង វិបុលប្រធានរដ្ឋបាលក្រុងបូកគោបានមានប្រសាសន៍ឲ្យដឹងកាលពីថ្ងៃទី១៩ សីហាកន្លងមកថា អគាររដ្ឋបាលថ្មីនេះ ស្ថិតនៅជិតចំណុចប៉ុស្តិ៍ត្រួតពិនិត្យផ្លូវចូលរមណីយដ្ឋានភ្នំបូកគោ ក្នុងទំហំដីជិត៥ហិកតា ភូមិបឹងទូក សង្កាត់បឹងទូក ក្រុងបូកគោ ខេត្តកំពត។
លោកបន្តទៀតថា “គណៈកម្មការអន្តរក្រសួង កំពុងតែពន្លឿនគិតគូបញ្ហានេះ ខណៈដំណើរការសាងសង់ មិនទាន់ចាប់ផ្ដើមនៅឡើយនោះទេ”។
ទោះជាយ៉ាងណា លោកមិនទាន់មានព័ត៌មានលម្អិតជុំវិញ គម្រោងថវិកានៅឡើយ គ្រាន់តែដឹងថា ទីតាំងអគារស្ថិតក្នុងភូមិបឹងទូក សង្កាត់បឹងទូក ក្រុងបូគោ។
លោកឡេង វិបុលបានបញ្ជាក់ថា ដំណើរការបន្ទាន់ នៃការសាងសង់អាស្រ័យទៅដោយការគាំទ្រ នឹងការខិតខំប្រឹងប្រែងរបស់រដ្ឋបាលក្រុងថ្មី៕
