ដំណឹងល្អៈគំរោងផ្លូ​វជាតិតភ្ជាប់រវាងក្រុងសៀមរាប និងបាត់ដំបងបានបញ្ចប់ការសិក្សាហើយ

ដោយៈគង់ សូរិយា

ភ្នំពេញៈ មន្រ្តីជាន់ខ្ពស់់នៃរាជរដ្ឋាភិបាលកម្ពុជាបានថ្លែងថា គំរោងសាងសង់ផ្លូវជាតិតភ្ជាប់រវាងទីក្រុងសៀមរាប និងក្រុងបាត់ដំបងបានបញ្ចប់ការសិក្សារួចហើយ។

លោកទេសរដ្ឋមន្រ្តី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងឲ្យដឹងកាលពីថ្ងៃទី២០ សីហាកន្លងមកថា ក្រសួង និងក្រុមហ៊ុនឯកជន បានបញ្ចប់ការសិក្សារួចរាល់ហើយ សម្រាប់គម្រោងសាងសង់ផ្លូវថ្មីប្រវែង៧២គីឡូម៉ែត្រតភ្ជាប់ខេត្តបាត់ដំបង និងសៀមរាប ខណៈការដ្ឋានរំពឹងថានឹងចាប់ផ្ដើមក្នុងពេលឆាប់ៗ។

លោកបានបន្តថា “ការសិក្សាគម្រោងនេះ ធ្វើឡើងតាំងពីខែតុលា ឆ្នាំ ២០២០ មកម្លេះ ដែលជាការសហការរបស់ក្រសួង និងក្រុមហ៊ុន China Road and Bridge Corporation”។

ផ្លូវជាតិថ្មីស្រឡាងមួយខ្សែនេះ នឹងសាងសង់ឆ្លងកាត់ខេត្តចំនួន៣រួមមាន ខេត្តបាត់ដំបង ខេត្តបន្ទាយមានជ័យ និងខេត្តសៀមរាប។ ផ្លូវនេះអាចកាត់បន្ថយពេលវេលាធ្វើដំណើរ ដោយចំណេញចម្ងាយរហូតដល់៦៩គីឡូម៉ែត្រ។

គម្រោងនេះត្រូវបានលើកយកមកពិភាក្សា ក្រោយមានសំណើរពីសម្តេចនាយករដ្ឋមន្ត្រី ហ៊ុន សែន កាលពីដើមឆ្នាំ ២០២០កន្លងមកនេះ៕