ដោយ សុជាតា
ភ្នំពេញ៖ អគារពាណិជ្ជកម្ម បំ់រើឱ្យផ្នែកផ្គត់ផ្គង់ការិយាល័យ និងខុនដូរ ទល់មុខផ្សារបឹងត្របែក ដែលមានឈ្មោះថា Sino PLaza ត្រូវបានជាប់គាំងមិនមានសកម្មភាពសាងសងបន្តទៀតឡើយអស់រយៈពេលជាង ២ឆ្នាំមកនេះ។
គម្រោងនេះចាប់ផ្តើមសាងសង់កាលពីដើមឆ្នាំ២០១៥ ហើយផែនការគម្រោងនឹងបញ្ចប់ការសាងសង់នៅឆ្នំា២០១៨កន្លងទៅនេះ។
បើតាមលោក ឌីត ចាន់ណា អគ្គនាយកក្រុមហ៊ុន Lucky real estate បានប្រាប់ Property Area asia នៅថ្ងៃទី ៣ ខែកញ្ញា នេះ គឺមូលហេតុសំខាន់បីយ៉ាងដែលសំណង់អចលនទ្រព្យបានផ្អាកសកម្មភាព ដោយសារដើមទុនរបស់ក្រុមហ៊ុនអចលនទ្រព្យ ជួបបញ្ហា និង ម្ចាស់ភាគហ៊ុនិកមិនសម្រេចទំលាក់ទឹកប្រាក់បន្ថែមទៀត។
ជាងនេះទៀត មូលហេតុចំបងចុងក្រោយគឺទីផ្សារ ការិយាល័យ និង ខុនដូរជួប្រទះវិបត្តិសកល Covid 19 ដែលធ្វើអោយអាគារនេះ បានផ្អាកលែងដំណើរការតទៅទៀត។
គម្រោង Sino Plaza Sino Plaza ដែលមានចំនួន៤អាគារ ស្ថិតនៅភាគខាងត្បូង រាជធានីភ្នំពេញ ជិតផ្សារបឹងត្របែកផ្លាហ្សា ក្នុងភូមិសាស្ត្រ សង្កាត់បឹងត្របែក ខណ្ឌចំការមន រាជធានីភ្នំពេញ។ មានអគារចំនួន ៤ រួមមានអគារអាផាតមិន៤២ជាន់ចំនួន២ អគារ ៣៦ ជាន់ចំនួន ១ សម្រាប់ជាសណ្ឋាគារផ្កាយប្រាំ និងរោងភាពយន្ត និងអគារ ៤៣ ជាន់មួយ សម្រាប់យូនីតការិយាល័យ និងខុនដូ។
គម្រោងនេះគឺជាការសហការជាមួយក្រុមហ៊ុន Cambodian Natural Lucky Real Estate Development Co. Ltd ដែលគ្រប់គ្រងទាំងស្រុងដោយ CYTS (China Youth Travel Services) មកពីហុងកុង និងប្រទេសចិន។
