ដោយៈសុជាតា
ភ្នំពេញៈគម្រោងPrince Happiness Plaza ស្ថិតនៅលើមហាវិថីមុនីវង្សជាតំបន់កំពុងមានភាពរីកចម្រើនរបស់រាជធានីភ្នំពេញ កំពុងសម្រេចបានវឌ្ឍនភាពល្អប្រសើរ។
គម្រោងPrince Happiness Plaza ផ្តល់នូវពាណិជ្ជកម្មចម្រុះ ដែលរួមបញ្ចូលទាំងដើរទំនិញ ការកម្សាន្ត ការញាំអាហារ និងការលំហែកាយក្នុងកន្លែងតែមួយព្រមទាំងសេវាកម្ម និង បរិក្ខាផ្គត់ផ្គង់ ដ៏ប្រណិតលំដាប់ពិភពលោក បានប្រមូលផ្តុំនៅទីនោះផងដែរ។
អ្នកនាង សុខ រត្ន័មុនី អ្នកគ្រប់គ្រងទីផ្សារជាន់ខ្ពស់នៃក្រុមហ៊ុនZhong Ding Taixing ដែលកំពុងលក់គម្រោងនេះបានប្រាប់ Property Area Asia នៅថ្ងៃទី៦ ខែ កញ្ញា ថា គម្រោងកណ្តាលអគារ ដែលប្រកាសដាកលក់នេះ បានលក់អោយអតិថិជនប្រមាណ៥០ភាគរយ ដែលតម្លៃចន្លោះពី៥ម៉ឺនដុល្លា ទៅ២០ម៉ឹនដុល្លារ ដែលអតិថិជនភាគច្រើនជាជនជាតិខែ្មរ និងត្រឹមតែ៥ភាគរយប៉ុណ្ណោះជាជនជាតិចិន។
អ្នកនាងលើកឡើងថា “បើទោះបីជាវិបត្តិ Covid 19 នេះ បន្តកើនឡើងក៏ដោយ ប៉ុន្តែនេះបន្តសាងសង់បាតគ្រឹះរួចរាល់ និងបន្តចេញជាតួអាគារបណ្តើរ ដោយវិស្វករ និងកម្មករបន្តធ្វើទាំងយប់ និងទាំងថ្ងៃ ហើយគម្រោងទាំងមូលនឹងបញ្ចប់ មុនផែនការកំណត់ត្រឹមខែមិនា ឆ្នាំ ២០២៤ ខាងមុខនេះ”។
លោក Sun Yuxing នាយកប្រតិបត្តិរងនៃក្រុមហ៊ុនព្រីនស៍ រៀល អីស្ទេត គ្រុប បានលើកឡើងថា ការប្រឆាំង នឹងជំងឺរាតត្បាតរបស់ប្រទេសកម្ពុជា ទទួលបានលទ្ធផលល្អប្រសើរ។ ជាមួយនឹងវិធានការប្រឆាំង នឹងជំងឺរាតត្បាតប្រកបដោយប្រសិទ្ធិភាព យើងនឹងចាប់យកការសាងសង់យ៉ាងម៉តចត់ និងឆាប់រហ័ស ទន្ទឹមនឹងការធានារនូវគុណភាពយ៉ាងល្អិតល្អន់ ព្រមទាំងខិតខំបញ្ចប់គម្រោងអោយបានឆាប់ មុនពេលកំណត់ ដើម្បីកសា ងគម្រោងPrince Happiness Plaza ក្លាយទៅជាគម្រោងប្រណិតលំដាប់លេខមួយ៕
