ដោយៈគង់ សូរិយា
ភ្នំពេញៈ ស្របពេលវិស័យសំណង់ និងអចលនទ្រព្យកំពុងមានការរីកចម្រើននៅកម្ពុជា ចំនូនស្ថាបត្យករនៅកម្ពុជាបានកើនឡើងខ្ពស់ ហើយមុខវិជ្ជានេះកាន់តែពេញនិយមនៅកម្រិតឧត្តមសិក្សា។
លោកសាស្រ្តាចារ្យទួស សាភឿនអគ្គលេខាធិការងគណៈស្ថាបត្យករកម្ពុជា និងជាស្ថាបត្យករអាស៊ាន បានសរសេរលើបណ្តាញទំនាក់ទំនងសង្គម របស់លោកកាលពីពេលថ្មីៗនេះថា បច្ចុប្បន្នគណៈស្ថាបត្យករនៅកម្ពុជាមានចំនូន ស្ថាបត្យករចុះបញ្ជីចំនួន ១១៨៤នាក់ ស្ថាបត្យករបរទេសចុះបញ្ជី១៦នាក់។ ស្ថាបត្យករ គ.ស.ក ពេញសិទ្ឋ៧២នាក់ និងស្ថាបត្យករអាស៊ាន២៩នាក់។
លោកបន្តថា លិខិតបទដ្ឋាន គតិយុត្តកំពុងរៀបចំអោយប្រើប្រាស់ខាងមុខរូមមានទី១. សេចក្តីសម្រេចស្តីពី កម្រៃសេវាសិក្សាគម្រោងប្លង់ស្ថាបត្យកម្ម ទី២. សេចក្តីសម្រេចស្តីពីការដាក់អោយប្រើប្រាស់ «ត្រា» វិជ្ជាជីវៈស្ថាបត្យកម្ម ។
សមិទ្ឋិផល និងវិធានការ ក្នុងពេលខាងមុខរួមមាន
ក-ផ្តល់គុណតំលៃ ដល់ស្ថាបត្យករ ដែលបានខិតខំសិក្សា៥ឆ្នាំ តាមរយះការកំណត់កម្រៃសេវាសិក្សាប្លង់ស្ថាបត្យកម្មច្បាស់លាស់ ទៅតាមប្រភេទគម្រោង ដើម្បីអោយមានតុល្យភាពជាមួយសេវាសិក្សាប្លង់ របស់ប្រទេសជិតខាង ក្នុងក្របខណ្ឌ័អាស៊ាន។
ខ-អ្នកមានសិទ្ឋសិក្សាគម្រោងប្លង់ស្ថាបត្យកម្ម បាន លុះត្រាចុះបញ្ជីនៅគណៈស្ថាបត្យករ ជាមួយការផ្តល់អោយប្រើប្រាស់ «ត្រាវិជ្ជាជីវៈ» សម្រាប់សំគាល់ អត្តសញ្ញាណរបស់ស្ថាបត្យករ។
គ. អ្នកក្លែង បំពាន រឺល្មើស ទៅនិងសេចក្តីសម្រេចទាំងអស់នេះ និងប្រឈមទៅនិងការផាកពិន័យ លុបឈ្មោះចេញពីបញ្ជីគណៈស្ថាបត្យករ រឺ ទោសព្រហ្មទណ្ឌជាធរមាន៕
