ដោយៈសហការី
ភ្នំពេញៈ ថ្វីបើប្រជាជនកម្ពុជាភាគច្រើននិយមចូលចិត្តរស់នៅក្នុងបុរី ក៏ប៉ុន្តែក្នុងពេលបច្ចុប្បន្ន ពួកគេមួយចំនួនបានផ្លាស់ប្តូរការគិត ដោយចាប់ផ្ដើមចង់រស់នៅក្នុងខុនដូវិញ ដោយសារតែមានហេតុផលសំខាន់មួយចំនួន ដែលធ្វើឱ្យពួកគេសម្រេចចិត្តបែបនេះ។
ប្រសិនបើរស់នៅក្នុងខុនដូ ពួកគេអាច ១.សន្សំសំចៃពេលវេលាធ្វើដំណើរពីផ្ទះទៅកន្លែងធ្វើការ ២.ទទួលបានផលចំណេញខ្ពស់ពីការវិនិយោគ និង ៣.រីករាយនឹងការរស់នៅបែបទំនើបទាន់សម័យ។
១. សន្សំសំចៃពេលវេលាធ្វើដំណើរ
ខុនដូនៅកម្ពុជាភាគច្រើនត្រូវបានសាងសង់ នៅក្នុងតំបន់ពាណិជ្ជកម្មស្ថិតនៅចំកណ្ដាលរាជធានីភ្នំពេញ (CBD) ដូចជាក្នុងខណ្ឌបឹងកេងកង ចំការមន ដូនពេញ ៧មករា និងទួលគោក។ ដូចនេះ ប្រសិនបើអ្នកជាអ្នកប្រកបការងារអាជីព ហើយចង់ពង្រឹងជំនាញផ្ទាល់ខ្លួនបន្ថែម អ្នកគួរតែជ្រើសរើសរស់នៅក្នុងខុនដូ ព្រោះថាអ្នកអាចចំណេញពេលវេលា ដោយមិនចាំបាច់ចំណាយពេលច្រើន ក្នុងការធ្វើដំណើរពីផ្ទះទៅកន្លែងធ្វើការនោះទេ។
ដោយសារដីនៅកណ្តាលទីក្រុងភ្នំពេញមានតម្លៃថ្លៃ អ្នកអភិវឌ្ឍន៍ភាគច្រើននៅក្នុងប្រទេសកម្ពុជា បានផ្លាស់ប្តូរគម្រោងអភិវឌ្ឍន៍បុរី ទៅកាន់តំបន់ជាយក្រុងភ្នំពេញ ដូចជា ខណ្ឌពោធិ៍សែនជ័យ ដង្កោ ឫស្សីកែវ និងព្រែកព្នៅជាដើម ដោយសារតម្លៃដីនៅទីនោះនៅទាបបើធៀបនឹងដីនៅតំបន់ពាណិជ្ជកម្មកណ្ដាលក្រុង។
ខណ្ឌមួយចំនួននៅជាយក្រុងដូចជា ខណ្ឌពោធិ៍សែនជ័យ ដង្កោ និងព្រែកព្នៅ មានចម្ងាយប្រហែល១០ ទៅ ១៥គីឡូម៉ែត្រពីកណ្តាលក្រុង ដែលមានន័យថាអ្នកត្រូវចំណាយពេលប្រហែល៣០នាទី ទៅ១ម៉ោង ដើម្បីទៅដល់ការិយាល័យធ្វើការរបស់អ្នក ស្ថិតនៅកណ្ដាលក្រុង។ ជាមួយនឹងកំណើនអត្រានគរូបនីយកម្មយ៉ាងឆាប់រហ័ស នៃទីក្រុងភ្នំពេញ គម្រោងលំនៅឋានបែបបុរី នឹងត្រូវសាងសង់នៅក្នុងតំបន់ជាយក្រុង ច្រើនថែមទៀត ដោយសារតម្លៃដី នៅក្នុងតំបន់ពាណិជ្ជកម្មកណ្ដាលក្រុង CBD នៅតែបន្តកើនឡើង។២. ទទួលបានប្រាក់ចំណេញខ្ពស់ពីការវិនិយោគត្រឡប់
នៅពេលនិយាយអំពីការរស់នៅក្នុងខុនដូ អ្នកមិនត្រឹមតែអាចរីករាយជាមួយនឹងទីតាំងល្អបំផុតនៅកណ្តាលទីក្រុង ស្ថិតនៅជិតកន្លែងធ្វើការរបស់អ្នកប៉ុណ្ណោះទេ ប៉ុន្តែអ្នកក៏អាចទទួលបានផលចំណេញ ពីការវិនិយោគរយៈពេលវែងផងដែរ ប្រសិនបើអ្នកចង់ដាក់ជួល ឬលក់បន្ត។នៅពេលដែលមានមនុស្សកាន់តែច្រើន សម្រុកមកទីក្រុងភ្នំពេញ ដើម្បីស្វែងរកឱកាសការងារ ឬស្វែងរកការស្នាក់នៅជាអចិន្ត្រៃយ៍ នេះមានន័យថាអចលនទ្រព្យនៅក្នុងទីក្រុង ជាពិសេសខុនដូនឹងបន្តមានតម្លៃកើនឡើងពីមួយឆ្នាំទៅមួយឆ្នាំ។
ដូចនេះ អ្នកនឹងទទួលបានផលចំណេញច្រើន ប្រសិនបើអ្នកទិញខុនដូទុកពីឥឡូវហើយគ្រោងលក់វាវិញក្នុងរយៈពេល ៥ ឬ១០ឆ្នាំក្រោយ។ ម្យ៉ាងវិញទៀត បើអ្នកចង់ទុកជួលដើម្បីទទួលបានប្រាក់ចំណូលប្រចាំខែ អ្នកអាចជួលវាជាមួយនឹងអត្រាជួលត្រឡប់ប្រហែល៨ ទៅ១០ភាគរយក្នុងមួយឆ្នាំ។ នៅភ្នំពេញ អ្នកអាចដាក់ជួលខុនដូបានក្នុងតម្លៃចន្លោះពី ៥០០ ទៅ ២៥០០ដុល្លារក្នុងមួយខែ។
៣. ការរស់នៅបែបទំនើបស៊ីវិល័យ
ប្រសិនបើអ្នកជាមនុស្សស៊ីវិល័យ ដែលចូលចិត្តការរស់នៅបែបទំនើប ខុនដូនឹងក្លាយជាជម្រើសដ៏ល្អឥតខ្ចោះសម្រាប់អ្នក។ ជាធម្មតា ខុនដូនៅក្នុងគម្រោងអភិវឌ្ឍចម្រុះផ្តល់ជូនអ្នកស្នាក់នៅនូវសុវត្ថិភាព និងផាសុកភាពខ្ពស់បំផុត ដោយមានលក្ខណៈពិសេស និងគ្រឿងបរិក្ខារជាច្រើនដូចជា អាងហែលទឹក កន្លែងហាត់ប្រាណ ហាងទំនិញ ភោជនីយដ្ឋាន និងហាងកាហ្វេជាដើម។
ជាងនេះទៅទៀត អ្នកមិនចាំបាច់ចំណាយពេលច្រើន ទៅកាន់ទីតាំងសំខាន់ៗដូចជា ក្រសួង និងស្ថាប័នរដ្ឋ សាលារៀន មន្ទីរពេទ្យ ផ្សារ ភោជនីយដ្ឋាន និងធនាគារជាដើម ដោយសារខុនដូរភាគច្រើន មានទីតាំងស្ថិតនៅក្បែរកន្លែងទាំងអស់នោះ។ ដោយសារតែហេតុផលទាំងអស់នេះហើយ ដែលធ្វើឱ្យជីវិត រស់នៅក្នុងខុនដូ កាន់តែមានភាពងាយស្រួល។ស្វែងរកអចលនទ្រព្យសម្រាប់លក់ ឬជួលសូមចូលទៅកាន់គេហទំព័រ Harbor Property ឬទាញយកកម្មវិធីទូរសព្ទដោយឥតគិតថ្លៃ៕
ទំនាក់ទំនងមកកាន់៖ 096 7876 902 (Telegram)/ 066 886633
ប្រភព៖ Harbor Property៕
