ដោយៈគង់ សូរិយា
ភ្នំពេញៈ បន្ទាប់ពីពន្យាពេលជាច្រើនលើក ក្រុមហ៊ុនវិនិយោគកាស៊ីណូដ៏ធំមួយមានមូលដ្ឋានមកពីទីក្រុងហុងកុង នឹងបើកដំណើរការកាស៊ីណូរបស់ខ្លួននៅដើមឆ្នាំ២០២២ខាងមុខនេះ នៅក្នុងតំបន់តារាសាគរ ខេត្តកោះកុង។
ក្រុមហ៊ុនកាស៊ីណូហុងកុង Century Entertainment នឹងបើកគំរោងនេះនៅខែកុម្ភៈឆ្នាំក្រោយ ក្រោយពន្យារជាច្រើនឡើកដោយសារវិបត្តិតកូវីដ។ នេះបើយោងតាមសារព័ត៌មាន IGA កាលថ្ងៃទី ៥ វិច្ឆិកា កន្លងមកនេះ។
នេះជាលើកទី៤ហើយ ដែលក្រុមហ៊ុនពន្យារពេលបើកដំណើរការ ពោលគឺកាលពីខែកុម្ភៈ ឆ្នាំ ២០២១ ពន្យារទៅខែមីនាម្ដង ទៅចុងខែមេសាម្ដង ពន្យារគ្មានកាលកំណត់ម្ដង និងលើកនេះទៅខែកុម្ភៈឆ្នាំ២០២២។
ក្រុមហ៊ុនកាស៊ីណូ Century Entertainment ពីមុន ទីតាំងស្ថិតនៅក្នុងសណ្ឋាគារ Sunshine Bay Hotel ខេត្តព្រះសីហនុ ប៉ុន្ដែត្រូវប្ដូរទៅទីតាំងថ្មីវិញនៅតារាសាគរ ដោយសារតែកិច្ចព្រមព្រៀងចាស់ បានបញ្ចប់កាលពីថ្ងៃទី១ ខែតុលា ឆ្នាំ ២០២០ កន្លងទៅនេះ។
កាស៊ីណូថ្មីនេះ មានផ្ទៃក្រឡាសរុប១០,៥០០ម៉ែត្រការ៉េ ដោយនឹងមានម៉ាស៊ីនស្លុតចំនួន៨០ម៉ាស៊ីន តុហ្គេមធំៗចំនួន៤០ និងតុលេងល្បែង VIP ចំនួន៥៥ រួមជាមួយនឹងភោជនីយដ្ឋានចិន ស្ប៉ា និងក្លឹបរាត្រីជាដើ៕
