ដោយៈកុសមា
ភ្នំពេញៈ យោងតាមសៀវភៅ “វិថីអចលនទ្រព្យ” របស់លោកគាម សៀកឡុង បានអោយដឹងថា ចំនុចសំខាន់ៗចំនួន៤ របស់លោក ដូណាល់ត្រាំ ក្នុងការស្វែងរកទីតាំងដើម្បីធ្វើវិនិយោគអចលនទ្រព្យ។
អតីតប្រធានាធិបតីអាមេរិក និងជាអ្នកវិនិយោគអចលនទ្រព្យជោគជ័យមួយរូប ដែលលោកគាម សៀកឡុងលើកយកមកចែករំលែកនូវចំណុចសំខាន់ៗចំនួន៤ រួមមានដូចជា៖
១ ទេសភាពស្អាត:
មានទេសភាពស្អាតអាចមើលឃើញទន្លេ សួនសាធារណៈ រឺតំបន់ទាក់ទាញ រឺអគារសំខាន់ៗជាច្រើនទៀតនៅក្នុងក្រុង។ សារៈសំខាន់នៃទេសភាព វាអាស្រ័យលើគោលបំនង នៃការប្រើប្រាស់អចលនទ្រព្យ ដែលយើងមានក្នុងចិត្ត ហើយគ្មានអ្នកណាម្នាក់ចង់រស់នៅ ជិតតំបន់ចាក់សំរាម រឺតំបន់អសន្តិសុខ ជិតវត្ត ជិតកន្លែងបូជាសព រឺមោងខ្មោចនោះទេ។
នៅទីក្រុងឡុងប៊ិចសហរដ្ឋអាមេរិក ដែលខ្ញុំបានទៅដល់ ផ្ទះដែលមានតម្លៃថ្លៃ ហើយជាតំបន់ដែលអ្នកមានធនធានច្រើនរស់នៅ គឺខាងមុខមានទឹក ខាងក្រោយមានភ្នំ គឺដូចនឹងហុងស៊ុយរបស់ជនជាតិចិនអញ្ចឹងដែរ។
២ កិត្យានុភាព
អគារ Trump Tower មួយនៅទីក្រុ New York គឺនៅជិតនឹងអាគារអង្គការសហប្រជាជាតិដ៏មានកិត្យានុភាព។
លោក ដូណាត្រាំ បានសាសង់អគារជារបស់គាត់នៅជិតនោះ ព្រោះគាត់ដឹងថារដ្ឋាភិបាលជាច្រើនចង់ទៅស្នាក់នៅអគារប្រណិតៗ នៅក្បែរទីតាំងអង្គការសហប្រជាជាតិសម្រាប់មន្ត្រីជាន់ខ្ពស់របស់ខ្លួន។
៣ តំបន់ដែលមានសក្កានុពលរីកចំរើន
តើតំបន់នេះ មានសក្ដានុពលរីកចម្រើនដែរឬទេ? តើតំបន់នេះមានស្ថេរភាពដែរឬទេ? កាន់តែប្រសើរឡើង រឺកាន់តែថមថយ? តើការវិនិយោគតាមទាន់ពេលវេលា ដែលផ្លាស់ប្ដូរដែរឬទេ? នេះជាសំណួរមួយចំនួនដែលលោកដូណាល់ ត្រាំសួរមុននឹងសម្រេចចិត្តជ្រើសរើសយកទីតាំងឬតំបន់ណាមួយ។
៤ ភាពងាយស្រួល
ទីតាំងដែលមានភាពងាយស្រួលសម្រាប់អតិថិជនរបស់ខ្លួន ដូចជា នៅជិតផ្សារទំនើប កន្លែងសាធារណៈ សាលារៀន មន្ទីរពេទ្យ ហើយក៏ជាកត្តាដែលធ្វើអោយ អចលនទ្រព្យដែលមានទីតាំងនៅ ក្នុងតំបន់ទាំងនេះ មានតម្លៃថ្លៃជាងអចលនទ្រព្យធម្មតាផងដែរ៕
